యూరో కప్‌ ఫుట్‌బాల్‌ టోర్నీ ఏ నగరంలో ప్రారంభం కానుంది?

కరోనా నేపథ్యంలో 2020 ఏడాది వాయిదా పడిన ఈ మెగా ఈవెంట్‌ను ఈ సంవత్సరం నిర్వహిస్తున్నారు. జూన్ 12 నుంచి జరిగే తొలి మ్యాచ్‌లో ఇటలీతో టర్కీ తలపడుతుంది. గతంలో ఎన్నడూ లేని విధంగా ఒక్క ఆతిథ్య దేశం కాకుండా 11 దేశాల్లో ఈ సారి యూరో కప్‌ను నిర్వహిస్తున్నారు. రోమ్‌ (ఇటలీ)లో మొదలయ్యే ఈ టోర్నీ రష్యా, అజర్‌బైజాన్, జర్మనీ, రుమేనియా, స్పెయిన్, నెదర్లాండ్స్, హంగేరి, డెన్మార్క్, స్కాట్లాండ్‌లలో లీగ్‌ మ్యాచ్‌లు జరుపుకొని ఇంగ్లండ్‌లో జూలై 12న జరిగే ఫైనల్‌తో ముగుస్తుంది. మొత్తం 24 జట్లు ఆరు గ్రూపులుగా తలపడనున్నాయి. ‘సోనీ టెన్‌ 4’ చానల్‌లో తెలుగులో వ్యాఖ్యానంతో తొలిసారి యూరో కప్‌ను ప్రసారం చేస్తున్నారు.

ఎవరు ఏ గ్రూపులో...
టర్కీ, ఇటలీ, వేల్స్, స్విట్జర్లాండ్‌ (ఎ), డెన్మార్క్, ఫిన్లాండ్, బెల్జియం, రష్యా (బి), నెదర్లాండ్స్, ఉక్రెయిన్, ఆస్ట్రియా, నార్త్‌ మెక్‌డోనియా(సి), ఇంగ్లండ్, క్రొయేషియా, స్కాట్లాండ్, చెక్‌ రిపబ్లిక్‌ (డి), స్పెయిన్, స్వీడెన్, పొలండ్, స్లోవేకియా (ఇ),
హంగేరి, పోర్చుగల్, ఫ్రాన్స్, జర్మనీ (ఎఫ్‌).

క్విక్‌ రివ్యూ :
ఏమిటి : జూన్ 12 నుంచి యూరో కప్‌ ఫుట్‌బాల్‌ టోర్నీప్రారంభం
ఎప్పుడు :జూన్ 11
ఎక్కడ : రోమ్‌, ఇటలీ