వరల్డ్ టాలెంట్ ర్యాంకింగ్‌లో భారత్‌కు 59వ స్థానం

మొత్తం 63 దేశాలతో కూడిన ఈ జాబితాలో భారత్ 6 మెట్లు తగ్గి 59వ స్థానానికి పడిపోయింది. ఈ జాబితాలో స్విట్జర్లాండ్ ప్రథమ స్థానం కైవసం చేసుకోగా... డెన్మార్క్ 2వ, స్వీడన్ 3వ, ఆస్ట్రియా 4వ, లక్సెంబర్గ్ 5వ స్థానాల్లో నిలిచాయి. పెట్టుబడి, అభివృద్ధి, సంసిద్ధత ఆధారంగా ఈ ర్యాంకింగ్‌ను విడుదలచేయగా.. చైనా (42), రష్యా (47), దక్షిణ ఆఫ్రికా (50)వ స్థానాల్లో నిలిచి, బ్రిక్స్ దేశాల జాబితాలో భారత్‌ను వెనక్కునెట్టాయి.

విద్యపై వ్యయం (ప్రతి విద్యార్థికి) తక్కువగా ఉండడం వంటివి భారత్ ర్యాంకును గణనీయంగా తగ్గించాయని ఐఎండీ బిజినెస్ స్కూల్ స్విట్జర్లాండ్, సింగపూర్ సీనియర్ ఎకనామిస్ట్ జోస్ కాబల్లెరో వ్యాఖ్యానించారు. జీడీపీతో పాటు శ్రమశక్తిలో మహిళల భాగస్వామ్యం, ఆరోగ్య వ్యవస్థ ప్రభావం కూడా భారత ర్యాంక్ తగ్గడానికి కారణాలుగా నిలిచాయన్నారు.

క్విక్ రివ్యూ :
ఏమిటి : వరల్డ్ టాలెంట్ ర్యాంకింగ్‌లో భారత్‌కు 59వ స్థానం
ఎప్పుడు : నవంబర్ 18
ఎవరు : ఐఎండీ
ఎక్కడ : ప్రపంచంలో