వరద నష్టంపై ఏపీ సీఎం జగన్ సమీక్ష

తాడేపల్లిలోని ముఖ్యమంత్రి క్యాంప్ కార్యాలయంలో ఆగస్టు 27న జరిగిన ఈ సమావేశంలో మంత్రులు, వ్యవసాయ, ఉద్యాన సహా వివిధ శాఖల అధికారులు పాల్గొన్నారు. ఈ సందర్భంగా ముఖ్యమంత్రి పలు కీలక నిర్ణయాలు తీసుకున్నారు.

ముఖ్యమంత్రి నిర్ణయాలు..

• పకృతి వైపరీత్యాలతో నష్టపోయిన పంటలకు ప్రస్తుతం ఇస్తున్న పరిహారానికి అదనంగా 15 శాతం ఇన్‌పుట్ సబ్సిడీ ఇవ్వాలి
• పంట నష్టాన్ని బ్యాంకులు మినహాయించుకోకుండా రైతుల అన్ ఇన్‌కంబర్డ్ ఖాతాలకే ఇన్‌పుట్ సబ్సిడీ వేయాలి
• విత్తనాలు, ఎరువులు, పురుగుల మందుల నాణ్యతను గుర్తించడానికి ప్రతి నియోజకవర్గంలో పరీక్ష కేంద్రాలు (ల్యాబ్స్) ఏర్పాటు చేయాలి. భూసార పరీక్షలను నిర్వహించాలి
• కౌలు రైతులకు గ్రామ సచివాలయాల్లోనే కార్డులు ఇవ్వాలి. కౌలు రైతుల చట్టంపై అవగాహన కల్పించాలి.
• పంటల సాగులో రైతులు ఎదుర్కొంటున్న సమస్యలకు తక్షణమే సలహాలు, పరిష్కారాల కోసం కాల్‌సెంటర్, ఒక యాప్‌ను సిద్ధం చేయాలని సీఎం నిర్ణయించారు.
• వరద తాకిడికి గురైన ప్రాంతాలకు పూర్తి సబ్సిడీ(100 శాతం)పై వరి, మినుము, పెసర, మొక్కజొన్న విత్తనాలను ప్రభుత్వం అందజేయాలి.

క్విక్ రివ్యూ :
ఏమిటి : వరద నష్టంపై సమీక్ష
ఎప్పుడు : ఆగస్టు 27
ఎవరు : ఆంధ్రప్రదేశ్ ముఖ్యమంత్రి వైఎస్ జగన్‌మోహన్‌రెడ్డి
ఎక్కడ : తాడేపల్లి, ఆంధ్రప్రదేశ్