తమ విద్యా సంస్థల్లోని వసతులు, పాటిస్తున్న ప్రమాణాలపై ఆయా స్కూళ్లు, కాలేజీలు స్వయంగా ఆ వెబ్‌సైట్‌లో వివరాలు అప్‌లోడ్ చేస్తాయని, ఆ డొమెయిన్ అందరికీ అందుబాటులో ఉంటుందని ఈ సందర్భంగా సీఎం తెలిపారు. వెబ్‌సైట్‌లో పేర్కొన్న వసతులు, ప్రమాణాలు నిజంగా క్షేత్రస్థాయిలో లేకపోతే ఎవరైనా స్పందించి ప్రభుత్వానికి సమాచారం ఇవ్వాలని కోరారు.


విద్యారంగంపై మేధోమథన సదస్సు
‘మన పాలన-మీ సూచన’లో భాగంగా మే 27న మూడోరోజు విద్యారంగంపై ముఖ్యమంత్రి వైఎస్ జగన్‌మోహన్‌రెడ్డి క్యాంపు కార్యాలయంలో మేధోమథన సదస్సు నిర్వహించారు. విద్యారంగ నిపుణులు, విద్యార్ధులు, తల్లిదండ్రులు, లబ్ధిదారులతో ముఖాముఖిలో పాల్గొన్నారు. ఈ సందర్భంగా సీఎం మాట్లాడుతూ.. రాష్ట్రంలోని ప్రతీ పేద ఇంట్లో చదువుల దీపాలు వెలగాలని, మనం పిల్లలకు ఇవ్వగలిగే వెలకట్టలేని ఆస్తి చదువు మాత్రమేనని అన్నారు.

క్విక్ రివ్యూ:
ఏమిటి: www.apsermc.ap.gov.in పేరుతో ప్రత్యేక వెబ్‌సైట్ ఆవిష్కరణ
ఎప్పుడు: మే 27
ఎవరు: ముఖ్యమంత్రి వైఎస్ జగన్‌మోహన్‌రెడ్డి
ఎక్కడ: సీఎం క్యాంపు కార్యాలయం, గుంటూరు జిల్లా