ఉద్యోగాలకు ఆకర్షణీయ సంస్థల్లో అగ్రస్థానంలో నిలిచిన సంస్థ?

అమెజాన్‌ ఇండియా, మైక్రోసాఫ్ట్‌ ఇండియా తర్వాత స్థానాల్లో నిలిచాయి. జూన్‌ 29న విడుదలైన రాండ్‌స్టాడ్‌ ఎంప్లాయర్‌ బ్రాండ్‌ రీసెర్చ్‌ (ఆర్‌ఈబీఆర్‌) 2021 సర్వే నివేదికలో ఈ అంశాలు వెల్లడయ్యాయి. ఆర్థిక పరిస్థితి, ప్రతిష్ట, ఆకర్షణీయమైన వేతనాలు, ప్రయోజనాలు వంటి అంశాల ప్రాతిపదికన ఈ నివేదికను రూపొందించారు. నివేదిక ప్రకారం...

• టాప్‌ 10 ఆకర్షణీయ ఎంప్లాయర్‌ బ్రాండ్స్‌ జాబితాలో గూగుల్‌ ఇండియా(1వ స్థానం), అమెజాన్‌ ఇండియా(2వ స్థానం), మైక్రోసాఫ్ట్‌ ఇండియా(3వ స్థానం), ఇన్ఫోసిస్‌(4వ స్థానం), టాటా స్టీల్‌(5), డెల్‌(6), ఐబీఎం(7), టీసీఎస్‌(8), విప్రో(9), సోని(10) ఉన్నాయి.
• ఆకర్షణీయమైన జీతభత్యాలతో పోలిస్తే (62 శాతం).. ఉద్యోగం, కుటుంబం మధ్య సమతౌల్యానికే(65 శాతం) ఉద్యోగార్థులు ప్రాధాన్యమిస్తున్నారు.
• కోవిడ్‌–19 నిబంధనలకు అనుగుణమైన పని వాతావరణం(61 శాతం), ఉద్యోగ భద్రత(61 శాతం) అంశాలు తర్వాత స్థా¯ ల్లో ఉన్నాయి.
• 34 దేశాల్లో 6,493 కంపెనీలపై నిర్వహించిన ఈ సర్వేలో 1,90,000 మంది పాల్గొన్నారు.