స్మాల్‌ బిజినెస్‌ లోన్స్‌ కార్యక్రమాన్ని ప్రారంభించిన సంస్థ?

స్వతంత్ర రుణదాతల ద్వారా త్వరితగతిన రుణాలను పొందవచ్చంటూ ప్రకటించింది. ఇలాంటి కార్యక్రమాన్ని తొలిసారి ఫేస్‌బుక్‌ దేశీయంగా ఆవిష్కరించింది. సూక్ష్మ, చిన్న, మధ్యతరహా సంస్థల(ఎంఎస్‌ఎంఈలు)కు మరింత సులభంగా వ్యాపార రుణాలు లభించేందుకు ఈ కార్యక్రమం దోహదపడగలదని ఫేస్‌బుక్‌ ఇండియా ఆగస్టు 20న తెలిపింది. ఇందుకు వీలుగా ప్రస్తుతం ఇండిఫీతో భాగస్వామ్యాన్ని ఏర్పాటు చేసుకున్నట్లు పేర్కొంది. ఇతర రుణదాతలతోనూ ఒప్పందాలు కుదుర్చుకోనున్నట్లు తెలియజేసింది. ఫేస్‌బుక్‌ ద్వారా ఇండిఫీ.... 17–20 శాతం మధ్య వడ్డీ రేట్లతో రూ. 5 లక్షల నుంచి రూ. 50 లక్షల వరకూ రుణాలను అందించనున్నట్లు వెల్లడించింది.

క్విక్‌ రివ్యూ :
ఏమిటి : స్మాల్‌ బిజినెస్‌ లోన్స్‌ కార్యక్రమాన్ని ప్రారంభించిన సంస్థ?
ఎప్పుడు : ఆగస్టు 20
ఎవరు : ఫేస్‌బుక్‌ ఇండియా
ఎక్కడ : దేశ వ్యాప్తంగా...
ఎందుకు : చిన్న, మధ్యతరహా బిజినెస్‌(ఎస్‌ఎంబీ)లకు రుణాలందించేందుకు వీలుగా...