సచిన్ టెండూల్కర్‌కు లారియస్ పురస్కారం

2011 వరల్డ్ కప్ ఫైనల్లో భారత్ విజయం అనంతరం సచిన్‌ను భారత జట్టు సభ్యులందరూ తమ భుజాలపై మోసి మైదానంలో(క్యారీడ్ ఆన్ ద షోల్డర్స్ ఆఫ్ ఎ నేషన్) కలియతిరిగారు. ఇప్పుడు ఆ సందర్భమే గత 20 ఏళ్లలో ‘అత్యుత్తమ లారియస్ స్పోర్టింగ్ మూమెంట్’గా ఎంపికైంది. జర్మనీ రాజధాని బెర్లిన్‌లో ఫిబ్రవరి 18న(భారత కాలమానం ప్రకారం) జరిగిన కార్యక్రమంలో సచిన్‌కు ఆస్ట్రేలియా మాజీ కెప్టెన్ స్టీవ్ వా, మాజీ టెన్నిస్ స్టార్ బోరిస్ బెకర్ ఈ అవార్డును ప్రదానం చేశారు. రెండు దశాబ్దాల ‘లారియస్ క్రీడా పురస్కారాల చరిత్ర’లో భారత్ లేదా భారత క్రీడాకారుడు ఒక అవార్డును గెలుచుకోవడం ఇదే తొలిసారి.

ప్రపంచ వ్యాప్తంగా ఓటింగ్‌తో...
గత ఇరవై ఏళ్లలో (2000-2020) క్రీడా ప్రపంచంలో నెలకొన్న ఇరవై అత్యుత్తమ క్రీడా ఘట్టాలకు సంబంధించి ఆన్‌లైన్‌లో ఓటింగ్ నిర్వహించారు. ఇందులో 2011 వన్డే ప్రపంచకప్‌లో సహచర ఆటగాళ్లు సచిన్‌ను తమ భుజాలపై మోసిన ఫొటో (క్యారీడ్ ఆన్ ద షోల్డర్స్ ఆఫ్ ఎ నేషన్)కే అత్యధిక ఓట్లు లభించాయి. ఈ అవార్డుకు సాధారణ మ్యాచ్‌ల ఫలితాలు, స్కోర్లు తదితర అంశాలతో సంబంధం లేకుండా ఎక్కువగా భావోద్వేగాలకు సంబంధించిన ఘట్టాలనే ఎంపిక చేసి నామినేట్ చేశారు.

లారియస్ ఇతర అవార్డుల విజేతల వివరాలు

• స్పోర్ట్స్ మన్ ఆఫ్ ద ఇయర్: లూయిస్ హామిల్టన్ (ఫార్ములావన్-బ్రిటన్), లయోనల్ మెస్సీ (ఫుట్‌బాల్-అర్జెంటీనా)
• స్పోర్ట్స్ ఉమన్ ఆఫ్ ద ఇయర్: సిమోన్ బైల్స్ (జిమ్నాస్టిక్స్-అమెరికా)
• వరల్డ్ టీమ్ ఆఫ్ ద ఇయర్: దక్షిణాఫ్రికా రగ్బీ జట్టు
• వరల్డ్ బ్రేక్ త్రూ ఆఫ్ ద ఇయర్: ఎగాన్ బెర్నాల్ (సైక్లింగ్-కొలంబియా)
• వరల్డ్ కమ్‌బ్యాక్ ఆఫ్ ద ఇయర్: సోఫియా ఫ్లోర్‌ష్ (రేసింగ్-జర్మనీ)
• స్పోర్ట్స్ పర్సన్ ఆఫ్ ద ఇయర్ విత్ డిస్‌ఎబిలిటీ: ఒక్సానా మాస్టర్స్ (పారా రోయింగ్-అమెరికా)
• యాక్షన్ స్పోర్ట్స్ పర్సన్ ఆఫ్ ద ఇయర్: కోయి కిమ్ (స్నో బోర్డింగ్-అమెరికా)
• స్పోర్ట్ ఫర్ గుడ్: సౌత్ బ్రాంక్స్ యునెటైడ్ లైఫ్‌టైమ్ అచీవ్‌మెంట్: డర్క్ నొవిట్జీ (బాస్కెట్‌బాల్-జర్మనీ)
• అకాడమీ ఎక్సెప్షనల్ అచీవ్‌మెంట్: స్పానిష్ బాస్కెట్‌బాల్ ఫెడరేషన్

క్విక్ రివ్యూ :
ఏమిటి : లారియస్ బెస్ట్ స్పోర్టింగ్ మూమెంట్ పురస్కారం
ఎప్పుడు : ఫిబ్రవరి 18
ఎవరు : సచిన్ టెండూల్కర్
ఎక్కడ : బెర్లిన్, జర్మనీ