సౌదీ రాజు సల్మాన్‌తో ప్రధాని మోదీ భేటీ

సౌదీ అరేబియా రాజధాని రియాధ్‌లో అక్టోబర్ 29న జరిగిన ఈ సమావేశంలో ఆయిల్ అండ్ గ్యాస్, తీర ప్రాంత భద్రత, టెక్నాలజీ, వాణిజ్యం, పెట్టుబడులు వంటి రంగాల్లో సహకారంపై ఇరువురు నేతలు చర్చలు జరిపారు. ఉగ్రవాదం ఏ రూపంలో ఉన్నా దానిని సహించరాదని సల్మాన్-మోదీ తీర్మానించారు. ఈ సందర్భంగా భారత్-సౌదీ మధ్య స్ట్రాటెజిక్ పార్ట్‌నర్‌షిప్ కౌన్సిల్ ఒప్పందం జరిగింది. అలాగే సౌదీ అరేబియాలో రూపే కార్డు ప్రవేశపెట్టడానికి ఉద్దేశించిన ఒప్పందంపై సంతకాలు జరిగాయి.

మరోవైపు సౌదీ అరేబియా యువరాజు మహమ్మద్ బిన్ సల్మాన్, జోర్డాన్ రాజు రెండో అబ్దుల్లాతోనూ మోదీ సమావేశమయ్యారు. ఉగ్రవాదంపై పోరు సహా భద్రతకు సంబంధించిన అంశాల్లో భారత్, సౌదీ అరేబియాల మధ్య సహకారం విజయవంతంగా ముందుకు సాగుతోందని స్థానిక పత్రిక ‘అరబ్ న్యూస్’కి ఇచ్చిన ఇంటర్వ్యూలో మోదీ పేర్కొన్నారు.