ఫుడ్ ప్రాసెసింగ్‌పై నెదర్లాండ్స్‌తో ఒప్పందం చేసుకున్న భారత రాష్ట్రం?

సెప్టెంబర్ 4న ముఖ్యమంత్రి వైఎస్ జగన్‌మోహన్‌రెడ్డి సమక్షంలో క్యాంపు కార్యాలయంలో ఈ ఒప్పంద పత్రాలపై సంతకాలు జరిగాయి. రైతులు తరచూ ఇబ్బందులు ఎదుర్కొంటున్న ఏడెనిమిది ప్రధాన పంటలకు సంబంధించి ఫుడ్ ప్రాసెసింగ్ చేయాల్సిందిగా ఈ సందర్భంగా అధికారులను సీఎం ఆదేశించారు.

అవగాహన ఒప్పందాలు-వివరాలు

• ఆహార ఉత్పత్తుల ప్రాసెసింగ్‌లో అత్యంత కీలకమైన ఇంటీరియర్ ఆర్కిటెక్చర్, డిజైన్, ప్యాకేజింగ్, కంటైనర్ల అంశాలపై నెదర్లాండ్‌‌స ప్రభుత్వంతో ఏపీ ఒప్పందం కుదుర్చుకుంది. వీడియో కాన్ఫరెన్స్ లో న్యూఢిల్లీ నుంచి భారత్‌లో నెదర్లాండ్‌‌స అంబాసిడర్ మార్టెన్ వాన్ డెన్ బెర్గ్ ఈ కార్యక్రమంలో పాల్గొన్నారు. నెదర్లాండ్‌‌స ప్రతినిధి శాన్నీ గీర్డినా క్యాంపు కార్యాలయంలో పాల్గొన్నారు.
• అరటి పంటకు సంబంధించి ఎన్‌ఆర్‌సీ బనానా తిరుచ్చితో ఒప్పందం చేసుకున్నారు. కొత్త మైక్రోఫుడ్ ప్రాసెసింగ్ ప్రమోషన్‌తో పాటు క్వాలిటీ టెస్టింగ్ ల్యాబొరేటరీలపై వారు పని చేస్తారు.
• అరటి సహా పండ్లు, కూరగాయల ఫుడ్ ప్రాసెసింగ్‌పై పుణెకు చెందిన ఫ్యూచర్‌టెక్ ఫుడ్‌‌స ప్రైవేట్ లిమిటెడ్‌తో ఒప్పందం చేసుకున్నారు.
• టమాటా, అరటి ప్రాసెసింగ్‌కు సంబంధించిన మౌలిక సదుపాయాల కల్పనపై బిగ్ బాస్కెట్‌తో ప్రభుత్వం ఒప్పందం కుదుర్చుకుంది.
• మామిడి, చీనీ, మిరప వంటి పంటల ప్రాసెసింగ్‌పై ఐటీసీతో ప్రభుత్వం ఒప్పందం కుదుర్చుకుంది.
• లారెన్స్ డేల్ ఆగ్రో ప్రాసెసింగ్ (లీప్) కంపెనీ సీఈవో విజయ రాఘవన్ ప్రభుత్వంతో అవగాహన ఒప్పందంపై సంతకాలు చేశారు. ఉల్లి ప్రాసెసింగ్‌పై దృష్టి పెట్టనున్నట్టు ఆ కంపెనీ వెల్లడించింది.
• రొయ్యలు, చేపల పెంపకంలో టెక్నాలజీ, మార్కెటింగ్ తదితర అంశాలపై ఐఎఫ్‌బీతో ఏపీ ఒప్పందం కుదుర్చుకుంది.
• రొయ్యలు, చేపల ఎగుమతి, రిటైల్ మార్కెటింగ్‌పై అంపైర్ కంపెనీతో ఎంవోయూ చేసుకుంది.