ప్రపంచవ్యాప్తంగా యోగా ఉత్సవాలు

జార్ఖండ్ రాజధాని రాంచీలోని ప్రభాత్ తారా గ్రౌండ్‌లో కేంద్ర ప్రభుత్వ ఆధ్వర్యంలో జరిగిన యోగా డే కార్యక్రమంలో ప్రధాని నరేంద్ర మోదీ పాల్గొన్నారు. 40 వేల మందికి పైగా ఈ కార్యక్రమంలో మోదీ మాట్లాడుతూ.. భారతీయ సంస్కృతిలో భాగమైన యోగా అన్నిటికీ అతీతమైందని, దీనిని జీవితంలో ఒక భాగంగా మార్చుకోవాలని ప్రజలకు పిలుపునిచ్చారు. నగరాల నుంచి పల్లెలు, గిరిజన ప్రాంతాలకు యోగాను వ్యాపింపజేయాలన్నారు.

5వ అంతర్జాతీయ యోగా దినోత్సవం-విశేషాలు

• 5వ అంతర్జాతీయ యోగా దినోత్సవాన్ని ‘యోగా ఫర్ క్లైమెట్ ఛేంజ్’ అనే థీమ్‌తో ఐక్యరాజ్యసమితి నిర్వహించింది.
• ఐరాసలో ప్రపంచ నేతలు ప్రసంగించే విశ్వ వేదిక జనరల్ అసెంబ్లీ హాల్‌లో యోగా డే సందర్భంగా వివిధ దేశాల ప్రతినిధులు, అధికారులు, శిక్షకులు, గురువులు వివిధ ఆసనాలు వేశారు. ఐరాస జనరల్ అసెంబ్లీ హాల్‌లో ఈ తరహాలో యోగా ఉత్సవం జరపడం ఇదే ప్రథమం.
• ఐరాస ‘యోగా ఫర్ క్లైమెట్ ఛేంజ్’ అనే థీమ్‌తో పాటు హృదయం కోసం యోగా’ ఇతివృత్తంతో భారత్‌లో యోగా డే నిర్వహించారు.
• రాష్ట్రపతి భవన్‌లో జరిగిన కార్యక్రమంలో రాష్ట్రపతి రామ్‌నాథ్ కోవింద్‌తోపాటు ఉపరాష్ట్రపతి వెంకయ్య నాయుడు పాల్గొని యోగాసనాలు వేశారు.
• పార్లమెంట్ పరిసరాల్లో జరిగిన కార్యక్రమంలో లోక్‌సభ స్పీకర్ ఓం బిర్లా పాల్గొన్నారు.
• ఢిల్లీ రాజ్‌పథ్‌లో జరిగిన కార్యక్రమంలో రక్షణ మంత్రి రాజ్‌నాథ్ సింగ్, రోహ్‌తక్‌లో హోం మంత్రి అమిత్ షా, నాగ్‌పూర్‌లో నితిన్ గడ్కారీ పాల్గొన్నారు.
• ప్రవాసీ భారతీయ కేంద్రంలో విదేశాంగ మంత్రి జై శంకర్ నేతృత్వంలో జరిగిన యోగాడే కార్యక్రమంలో 60 దేశాల రాయబారులు పాల్గొన్నారు.
• చైనా, బ్రిటన్, ఇజ్రాయెల్ దేశాల్లోనూ యోగా డే పాటించారు. అంతర్జాతీయ యోగా ఉత్సవాల్లో పాల్గొన్న దక్షిణ కొరియా అధ్యక్షుడు మూన్ జే ఇన్, శ్రీలంక అధ్యక్షుడు మైత్రిపాల సిరిసేన, నేల్ ప్రధాని కేపీ శర్మ ఓలీకి ప్రధాని మోదీ కృతజ్ఞతలు తెలిపారు.