ప్రపంచంలో అత్యంత విలువైన కంపెనీ?

ఈ జాబితాలో యాపిల్ కంపెనీ 2.1 లక్షల కోట్ల డాలర్ల సంపదతో మొదటి స్థానంలో ఉంది. 1.6 లక్షల కోట్ల డాలర్ల సంపదలతో మైక్రోసాఫ్ట్, అమెజాన్‌లు యాపిల్ తర్వాతి స్థానాల్లో నిలిచాయి. 2020 ఏడాదిలో కంపెనీల విలువ ఆధారంగా ఈ జాబితాను రూపొందించారు.

జాబితాలోని ముఖ్యాంశాలు

• 500 కంపెనీల జాబితాలో దాదాపు సగం కంపెనీలు(242) అమెరికావే ఉన్నాయి. చైనా కంపెనీలు 51 ఉండగా, జపాన్‌కు చెందిన 30 కంపెనీలు ఉన్నాయి.
• భారతదేశానికి చెందిన 11 కంపెనీలు జాబితాలో ఉన్నాయి.
• దేశాల పరంగా చూస్తే, ఈ జాబితాలో మన దేశం పదవ స్థానంలో నిలిచింది.
• మొత్తం 500 కంపెనీల విలువ 50 లక్షల కోట్ల డాలర్లకు చేరింది. ఇది ప్రపంచంలోని ఆరు అతిపెద్ద ఆర్థిక వ్యవస్థల సంయుక్త జీడీపీకి సమానం.
• ఈ కంపెనీలు 4.3 కోట్ల మందికి ఉపాధినిస్తున్నాయి. జర్మనీ జనాభాతో ఇది సమానం.
• ఈ కంపెనీల విక్రయాలు(18 లక్షల కోట్ల డాలర్లు) చైనా జీడీపీ కంటే ఎక్కువ.

జాబితాలో మరిన్ని ముఖ్యాంశాలు...

• జాబితాలో చోటు దక్కించుకున్న 11 భారత కంపెనీల విలువ 14 శాతం 3పెరిగి 80,500 కోట్ల డాలర్లకు చేరింది. ఇది మన దేశ జీడీపీలో దాదాపు మూడో వంతుకు సమానం.
• 11 కంపెనీల్లో ఏడు కంపెనీల ప్రధాన కేంద్ర కార్యాలయాలు ముంబైలోనే ఉన్నాయి. మిగిలిన కంపెనీల కేంద్ర కార్యాలయాలు బెంగళూరు, పుణే, కోల్‌కత, న్యూఢిల్లీలలో ఉన్నాయి.
• టాప్ 500 కంపెనీలలో ముకేశ్ అంబానీకి చెందిన రిలయన్స్ ఇండస్ట్రీస్ 54వ స్థానం(భారత్‌లో తొలి స్థానం)లో నిలిచింది. ఈ కంపెనీ విలువ 21 శాతం ఎగసి 16,880 కోట్ల డాలర్లకు పెరిగింది.
• టాటా కన్సల్టెన్సీ సర్వీసెస్(టీసీఎస్) విలువ 30 శాతం వృద్ధితో 13,900 కోట్ల డాలర్లకు పెరిగింది. దేశీయంగా రెండో స్థానంలో, అంతర్జాతీయంగా 73వ స్థానంలో ఈ కంపెనీ నిలిచింది.