ప్రపంచ ప్రఖ్యాత టీనేజర్‌గా మలాలా : ఐరాస

21వ శతాబ్దపు రెండో దశకంలో ఫేమస్ టీనేజర్‌గా మలాలా నిలిచినట్లు ఐక్యరాజ్యసమితి(ఐరాస) డిసెంబర్ 26న ప్రకటించింది. 2010-2019 మధ్య మలాలాకు వచ్చిన గుర్తింపు ఆధారంగా ఐరాస ఈ విషయాన్ని వెల్లడించింది. పాక్‌లో బాలికల విద్య కోసం మలాలా చేసిన పోరాటాన్ని ఐరాస గుర్తుచేసింది. చిన్నప్పటి నుంచే మలాలా బాలికల విద్య గురించి మాట్లాడిందని, తాలిబన్ల అకృత్యాలపై పోరాడిందని పేర్కొంది.

డెకేడ్ ఇన్ రివ్యూ
ప్రపంచవ్యాప్తంగా జరిగిన పరిణామాలను పరిగణనలోకి తీసుకుని ‘డెకేడ్ ఇన్ రివ్యూ’ అనే నివేదికను ఐరాస రూపొందించింది. దీనిలో 2010లో భయంకర విధ్వసాన్ని సృష్టించిన హైతీ భూకంపం, 2011లో మొదలై ఇప్పటివరకు కొనసాగుతున్న సిరియా అంతర్యుద్ధం, బాలికల విద్య కోసం 2012లో మలాలా కృషి వంటి సంఘటనలను ప్రధానాంశాలుగా ప్రకటించింది.

క్విక్ రివ్యూ :
ఏమిటి : ఐరాస ప్రపంచ ప్రఖ్యాత టీనేజర్‌గా ఎంపిక
ఎప్పుడు : డిసెంబర్ 26
ఎవరు : ఐక్యరాజ్యసమితి(ఐరాస)