మిజో పుంచీకు భౌగోళిక గుర్తింపు

అలాగే కేరళలోని తిరూరు తమలపాకు, తమిళనాడులోని ప్రసిద్ధ పళని దేవస్థానం ప్రసాదమైన పంచామృతాని కూడా జీఐ ట్యాగ్ లభించింది. ఈ విషయాన్ని కేంద్ర వాణిజ్య శాఖ ఆగస్టు 16న ప్రకటించింది.

• తావ్‌లోహ్‌పున్(చేతితో నేయబడిన ఓ రకమైన వస్త్రం)ను మిజోరం రాష్ట్రమంతటా ఉత్పత్తి చేస్తుంటారు. ఇక మిజో పూంచీ అనే శాలువను, మిజో సంప్రదాయ పండుగల సందర్భాల్లో నృత్యాల్లో ధరిస్తుంటారు.
• తిరూరు తమలపాకు రకాన్ని కేరళలోని మలప్పురం జిల్లా వ్యాప్తంగా పలు తాలూకాల్లో పండిస్తుంటారు. ఈ తమలపాకులో పలు ఔషధ లక్షణాలతోపాటు కొంత మేర ఉత్తేజాన్ని కూడా ఇస్తుంది.
• పళనిలో దండయుతపాణి స్వామికి అభిషేక సేవలో వినియోగించే పంచామృతాన్ని అరటిపండు, బెల్లం, ఆవు నెయ్యి, తేనె, యాలకులు కలిపి చేస్తారు. ఎటువంటి రసాయన ప్రిజర్వేటివ్‌లు (పదార్థం పాడవకుండా ఉంచేందుకు) కలపకుండా సహజ పద్ధతుల్లో చేయడం దీని ప్రత్యేకత. తమిళనాడులోని ఓ దేవాలయానికి చెందిన ప్రసాదానికి ఈ గుర్తింపు లభించడం ఇదే మొదటిసారి.
• జీఐ ట్యాగ్ వల్ల ఆయా ఉత్పత్తులకు మరింత గుర్తింపుతోపాటు మంచి ధర కూడా లభిస్తుంది. భౌగోళిక మూలాలు, నాణ్యత, వాటికి ఉన్న ప్రత్యేకతలను జీఐ ట్యాగ్ తెలియజేస్తోంది.