కోవిడ్ వ్యాక్సిన్ పరీక్షలు ప్రారంభం

సియాటెల్‌లోని కైసర్ పెర్మనెంటే వాషింగ్టన్ హెల్త్ రీసెర్చ్ ఇన్‌స్టిట్యూట్‌లో ఆరోగ్యంగా ఉన్న 45 మంది స్వచ్ఛంద కార్యకర్తలకు ఎన్‌ఐహెచ్, మోడెర్నా అనే కంపెనీలు సంయుక్తంగా అభివృద్ధి చేసిన టీకాలు ఇస్తాయి. అన్నీ సవ్యంగా సాగి ఈ పరీక్షలు విజయవంతమైతే అందరికీ అందుబాటులోకి వచ్చేందుకు మరో ఏడాదిన్నర సమయం పట్టే అవకాశముందని అధికారులు పేర్కొన్నారు.

జాతీయ అత్యవసర పరిస్థితి విధింపు
కోవిడ్ 19(కరోనా వైరస్) విసృ్తతి నేపథ్యంలో అమెరికాలో జాతీయ అత్యవసర పరిస్థితిని విధించారు. ఈ మేరకు అమెరికా అధ్యక్షుడు మార్చి 14న ప్రకటించారు. అత్యవసర పరిస్థితి ప్రకటించిన నేపథ్యంలో వ్యాధి నియంత్రణకు సంబంధించి కేంద్ర ప్రభుత్వ నిధులు సుమారు 3.6 లక్షల కోట్ల రూపాయలు అందుబాటులోకి రానున్నాయి.

క్విక్ రివ్యూ :
ఏమిటి : కోవిడ్ 19 వ్యాక్సిన్ పరీక్షలు ప్రారంభం
ఎప్పుడు : మార్చి 16
ఎవరు : అమెరికా