ఇరాక్‌లో మిత్రపక్షాల ఎయిర్‌బేస్‌పై రాకెట్ల దాడి

దాదాపు 10 రాకెట్లు ఎయిర్‌బేస్‌ను ఢీకొట్టాయి. అమెరికా నేతృత్వంలోని మిత్రపక్షాల సేనలు దీన్ని వైమానిక అవసరాలకు వాడుకుంటున్నాయి. రాకెట్ల దాడి వల్ల వాటిల్లిన నష్టంపై ఇంకా వివరాలు తెలియరాలేదు. ఈ దాడికి తామే కారణమంటే ఉగ్రవాద సంస్థలేవీ ఇప్పటివరకు ప్రకటన చేయలేదు.

ఇరాక్‌ రాజధాని: బాగ్దాద్‌; కరెన్సీ: ఇరాకీ దినార్‌
ఇరాక్‌ ప్రస్తుత అధ్యక్షుడు: బర్హం సలీహ్‌
ఇరాక్‌ ప్రస్తుత ప్రధానమంత్రి: ముస్తఫా అల్‌–ఖాదిమి

అఫ్గాన్‌లో ఉగ్రవాదుల దాడి
అఫ్గానిస్తాన్‌ టెలివిజన్, రేడియో స్టేషన్లలో పనిచేసే ముగ్గురు మహిళా జర్నలిస్టులను ఐఎస్‌ఐఎస్‌ ఉగ్రవాద సంస్థ జలాలా బాద్‌... ఈస్ట్రన్‌ సిటీలో కాల్చి చంపినట్టు ప్రభుత్వాధికారులు తెలిపారు. టర్కీ, భారత్‌లో జనాదరణ పొందిన నాటకాలకు ఈ ముగ్గురు పాత్రికేయులు డబ్బింగ్‌ చెప్తున్నారని పేర్కొన్నారు. వీరంతా ఇటీవలే స్కూల్‌ చదువు పూర్తి చేసుకున్న 18 నుంచి 20 ఏళ్ళ మధ్య వయస్సు వారే.

అఫ్గానిస్తాన్‌ రాజధాని: కాబూల్‌; కరెన్సీ: అఫ్గనీ
అఫ్గానిస్తాన్‌ ప్రస్తుత అధ్యక్షుడు: అష్రఫ్‌ ఘని
అఫ్గానిస్తాన్‌ ప్రస్తుత మొదటి అధ్యక్షుడు: అమృల్లా సలేహ్‌
అఫ్గానిస్తాన్‌ ప్రస్తుత రెండవ అధ్యక్షుడు: సర్వార్‌ డానిష్‌