గతంలో ఆరుసార్లు ప్రపంచ చాంపియన్‌గా నిలిచిన మేరీకోమ్ మహిళల 51 కేజీల విభాగంలో విజేతగా నిలిచి పసిడి పతకాన్ని కైవసం చేసుకుంది. అస్సాంలో గువహటిలో మే 24న జరిగిన ఫైనల్లో మేరీకోమ్ 5-0తో భారత్‌కే చెందిన వన్‌లాల్ దువాటిపై గెలిచింది.సరితా దేవి (60 కేజీలు), జమున బోరో (54 కేజీలు), నీరజ (57 కేజీలు) కూడా స్వర్ణాలు సాధించారు. ఫైనల్స్‌లో సరితా దేవి 3-2తో సిమ్రన్‌జిత్ కౌర్ (భారత్)పై, జమున 5-0తో సంధ్యారాణి (భారత్)పై, నీరజ 5-0తో మనీషా (భారత్)పై గెలిచారు.

ఫురుషుల విభాగంలో దీపక్ (49 కేజీలు), అమిత్ (52 కేజీలు), ఆశిష్ (69 కేజీలు), శివ థాపా (60 కేజీలు) బంగారు పతకాలు గెల్చుకున్నారు. ఫైనల్స్‌లో అమిత్ 4-1తో సచిన్ సివాచ్ (భారత్)పై, దీపక్ 5-0తో గోవింద్ (భారత్)పై, ఆశిష్ 4-1తో దుర్యోధన్ (భారత్)పై, శివ థాపా 5-0తో మనీశ్ (భారత్)పై విజయం సాధించారు.

క్విక్ రివ్యూ :
ఏమిటి : ఇండియా ఓపెన్ అంతర్జాతీయ బాక్సింగ్ టోర్నీలో ఎనిమిది స్వర్ణాలు
ఎప్పుడు : మే 24
ఎవరు : భారత్
ఎక్కడ : గువహటి, అస్సాం