హెలీనా, ధ్రువాస్త్ర ప్రయోగాలు విజయవంతం

Sakshi Education

దేశీయంగా రూపొందించిన యుద్ధ ట్యాంక్ విధ్వంసక క్షిపణి వ్యవస్థలు(యాంటీ ట్యాంక్ గెడైడ్ మిస్సైల్-ఏటీజీఎమ్)... ‘హెలీనా’, ‘ధ్రువాస్త్ర’లను భారత్ విజయవంతంగా పరీక్షించింది.

తద్వారా హెలీనాను ఆర్మీలోకి, ధ్రువాస్త్రను వైమానిక దళంలోకి చేర్చేందుకు మార్గం సుగమమైంది. రాజస్థాన్‌లోని జైసల్మేర్ జిల్లా ఫోఖ్రాన్‌లో ఫిబ్రవరి 19నాటికి ఈ క్షిపణి పరీక్షలు పూర్తయ్యాయి.

హెలీనా, ధ్రువాస్త్రల విశేషాలు...

హెలీనా, ధ్రువాస్త్ర క్షిపణులను భారత రక్షణ పరిశోధన, అభివృద్ధి సంస్థ(డీఆర్‌డీవో) అభివృద్ధి చేసింది.
అన్ని వాతావరణ పరిస్థితుల్లో, రాత్రి, పగలు కూడా శత్రు ట్యాంక్‌లపై విరుచుకుపడగలవు.
యాంటీ ట్యాంక్ గెడైడ్ మిస్సైల్స్‌లో ఇవి మూడో తరానికి చెందినవి.
వీటిని భూఉపరితలం, హెలికాఫ్టర్ నుంచి శత్రు ట్యాంకులపై గురిపెట్టొచ్చు.
ఏడు కిలోమీటర్ల పరిధిలోని లక్ష్యాలను ఈ క్షిపణులు ఛేదించగలవు.
హెలీనా క్షిపణిని సైన్యంలో, ధ్రువాస్త్ర క్షిపణిని వైమానిక దళంలో చేరుస్తారు.
హెలీనా, ధృవాస్త్రలు లక్ష్యాన్ని కచ్చితంగా ఛేదించగలవు. అందుకే వీటిని ఫైర్ అండ్ ఫర్‌గెట్ మిసైల్స్ అని కూడా అంటారు.

క్విక్ రివ్యూ :
ఏమిటి : హెలీనా, ధ్రువాస్త్ర ప్రయోగాలు విజయవంతం
ఎప్పుడు : ఫిబ్రవరి 19
ఎవరు : భారత రక్షణ శాఖ
ఎక్కడ : ఫోఖ్రాన్, జైసల్మేర్ జిల్లా, రాజస్థాన్
ఎందుకు : భారత రక్షణ వ్యవస్థను మరింత బలోపేతం చేయడం కోసం

Published date : 20 Feb 2021 05:58PM