డ్రగ్స్ వినియోగంలో తొలి స్థానంలో ఉన్న నగరం?

Sakshi Education

జర్మనీకి చెందిన మార్కెట్ పరిశోధన సంస్థ ఏబీసీడీ ప్రపంచంలోని 120 దేశాల్లో 2018 డ్రగ్స్ వినియోగంపై డేటా ఆధారంగా జాబితాను రూపొందించింది. ఏబీసీడీ జాబితా ప్రకారం..

ప్రపంచంలో అత్యధికంగా డ్రగ్స్ వినియోగం న్యూయార్క్ నగరంలో జరుగుతోంది. ఇక్కడి ప్రజలు ప్రతి సంవత్సరం 70 వేల 252 కిలోల మాదక ద్రవ్యాలను వినియోగిస్తున్నారు.
పాకిస్తాన్‌లోని కరాచీ నగరం రెండవ స్థానంలో ఉంది. ఇక్కడ ఏటా 38 వేల 56 కిలోల డ్రగ్‌‌సను వినియోగిస్తారు.

మూడో స్థానంలో ఢిల్లీ...

డ్రగ్స్ వినియోగంలో భారత రాజధాని న్యూఢిల్లీ మూడో స్థానంలో, ఆర్థిక రాజధాని ముంబై ఆరో స్థానంలో ఉంది.
ఢిల్లీవాసులు ప్రతీ సంవత్సరం 34 వేల 708 కిలోల డ్రగ్స్ వినియోగించగా, ముంబై వాసులు ప్రతీ ఏటా 29 వేల 374 కిలోల మాదక ద్రవ్యాలను వాడుతున్నారు.
భారత్‌లో మాదకద్రవ్యాల వినియోగం కారణంగా ప్రతిరోజూ 23 మంది మరణిస్తున్నారని నేషనల్ క్రైమ్ రికార్డ్స్ బ్యూరో (ఎన్‌సీబీ) గణాంకాలు తెలుపుతున్నాయి.

ర్యాంకు	నగరం	దేశం	ఏడాదికి డ్రగ్స్ వినియోగం
1	న్యూయార్క్	అమెరికా	70, 252 కిలోలు
2	కరాచీ	పాకిస్తాన్	38,056 కిలోలు
3	న్యూఢిల్లీ	భారత్	34,708 కిలోలు
4	లాస్ ఏంజిల్స్	అమెరికా	32,713 కిలోలు
5	కైరో	ఈజిప్ట్	29,565 కిలోలు
6	ముంబై	భారత్	29, 374 కిలోలు
7	లండన్	ఇంగ్లండ్	28,485 కిలోలు
8	షికాగో	అమెరికా	22,262 కిలోలు
9	మాస్కో	రష్యా	20,747 కిలోలు
10	టొరంటొ	కెనడా	20,638 కిలోలు

క్విక్ రివ్యూ :
ఏమిటి : డ్రగ్స్ వినియోగంలో న్యూయార్క్‌కు తొలి స్థానం
ఎప్పుడు : నవంబర్ 28
ఎవరు : జర్మనీకి చెందిన మార్కెట్ పరిశోధన సంస్థ ఏబీసీడీ
ఎక్కడ : ప్రపంచంలో

Published date : 01 Dec 2020 05:51PM