చైనా అంతరిక్ష కేంద్రానికి ముగ్గురు వ్యోమగాములు

చైనా ముగ్గురు వ్యోమగాములను నిర్మాణంలో ఉన్న తమ స్పేస్‌ స్టేషన్‌లోని కోర్‌ మాడ్యూల్‌ ‘తియాన్హే’లోకి విజయవంతంగా పంపించింది. చైనాలో ఉన్న గోబీ ఎడారిలోని జియుక్వాన్‌ శాటిలైట్‌ లాంచ్‌ సెంటర్‌ నుంచి జూన్‌ 17న షెన్‌జౌ–12 అంతరిక్ష నౌక ముగ్గురు వ్యోమగాములతో నింగిలోకి దూసుకెళ్లింది. 6.5 గంటల పాటు నిరాటంకంగా ప్రయాణించి కోర్‌ మాడ్యూల్‌ను చేరుకుంది.

తియాన్హేలోకి వెళ్లిన ముగ్గురు వ్యోమగాములు మూడు నెలలపాటు అక్కడే ఉంటారు. స్పేస్‌స్టేషన్‌ నిర్మాణంలో పాలుపంచుకుంటారు. భూగోళంపై తమ నిఘా నేత్రంగా భావిస్తున్న సొంత స్పేస్‌స్టేషన్‌ను 2022 ఏడాదికల్లా సిద్ధం చేయాలని చైనా లక్ష్యంగా పెట్టుకుంది. కోర్‌ మాడ్యూల్‌ తియాన్హేను 2021, ఏప్రిల్‌ 29న చైనా కక్ష్యలోకి ప్రవేశపెట్టిన సంగతి తెలిసిందే.

క్విక్‌ రివ్యూ :
ఏమిటి : నింగిలోకి షెన్‌జౌ–12 అంతరిక్ష నౌక
ఎప్పుడు : జూన్‌ 17
ఎవరు : చైనా
ఎక్కడ : జియుక్వాన్‌ శాటిలైట్‌ లాంచ్‌ సెంటర్, గోబీ ఎడారి, చైనా
ఎందుకు : ముగ్గురు వ్యోమగాములను నిర్మాణంలో ఉన్న చైనా స్పేస్‌ స్టేషన్‌లోని కోర్‌ మాడ్యూల్‌ ‘తియాన్హే’లోకి తీసుకెళ్లెందుకు...