భారత వృద్ధి రేటు 7.5 శాతం : ఐఎంఎఫ్

Sakshi Education

2019లో భారత ఆర్థిక వ్యవస్థ వృద్ధి రేటు 7.5 శాతం, 2020లో 7.7 శాతంగా నమోదవుతుందని అంతర్జాతీయ ద్రవ్యనిధి సంస్థ (ఐఎంఎఫ్) వెల్లడించింది.

తద్వారా భారత్ ఆర్థిక వ్యవస్థ ప్రపంచంలోనే వేగవంతమైన అభివృద్ధిని సాధిస్తున్న దేశంగా నిలుస్తుందని పేర్కొంది. ఈ మేరకు ఐఎంఎఫ్ మొట్టమొదటి మహిళా చీఫ్ ఎకనమిస్ట్ గీతా గోపీనాథ్ జనవరి 21న నివేదికను విడుదల చేసింది. ఈ నివేదిక ప్రకారం 2019, 2020ల్లో ప్రపంచ ఆర్థిక వృద్ధి రేటు 3.5, 3.6 శాతాలుగా ఉంటాయి. ఈ రెండు సంవత్సరాల్లో చైనా ఆర్థిక వృద్ధి రేటు 6.2 శాతంగా ఉంటుంది.

క్విక్ రివ్యూ :
ఏమిటి : భారత ఆర్థిక వ్యవస్థ వృద్ధి రేటు 7.5 శాతం
ఎప్పుడు : 2019
ఎవరు : అంతర్జాతీయ ద్రవ్యనిధి సంస్థ (ఐఎంఎఫ్)

Published date : 22 Jan 2019 05:30PM