భారత్ క్రెడిట్ రేటింగ్‌ను తగ్గించిన మూడీస్

ఇదే సమయంలో విదేశీ కరెన్సీ రేటింగ్‌ను మార్చకుండా ‘బీఏఏ2 మైనస్’గానే కొనసాగించింది. ద్రవ్యలోటు ప్రస్తుత ఆర్థిక సంవత్సరానికి (2019-20) 3.7 శాతంగా ఉంటుందని మూడీస్ అంచనా వేసింది. ఈ మేరకు నవంబర్ 8న ఒక నివేదికను విడుదల చేసింది. ఫిచ్ రేటింగ్‌‌స, ఎస్‌అండ్‌పీ గ్లోబల్ రేటింగ్‌‌స మాత్రం ఇప్పటికీ భారత అవుట్‌లుక్‌ను స్థిరంగానే (స్టేబుల్)గానే కొనసాగిస్తున్నాయి.

మూడీస్ నివేదికలోని అంశాలు

• ఆర్థిక రంగ బలహీనతలను సరిదిద్దే విషయంలో భారత ప్రభుత్వం సమర్థవంతంగా వ్యవహరించలేకపోయింది. దీంతో సమస్యలు పెరిగాయని, ఫలితంగా వృద్ధి రేటు ఇక ముందూ తక్కువగానే ఉంటుంది.
• అవుట్‌లుక్‌ను నెగెటివ్‌కు మార్చడం పెరిగిన రిస్క్‌లను తెలియజేస్తుంది.
• ఆర్థిక వృద్ధికి సంబంధించి ప్రభుత్వం తీసుకునే చర్యలు మందగమనం తీవ్రత, కాల వ్యవధిని తగ్గించొచ్చు.
• గ్రామీణ స్థాయిలో దీర్ఘకాలం పాటు ఆర్థిక ఒత్తిళ్లు, ఉపాధి కల్పన బలహీనంగా ఉండటం, బ్యాంకింగేతర ఆర్థిక సంస్థల్లో (ఎన్‌బీఎఫ్‌ఐ) రుణ సంక్షోభంతో మందగమనం మరింత స్థిరపడే అవకాశాలున్నాయి.
• ఎన్‌బీఎఫ్‌ఐల్లో రుణ సంక్షోభం వేగంగా పరిష్కారం కాకపోవచ్చు.
• ఆర్‌బీఐ రేట్ల తగ్గింపు సహా ఇటీవలి కాలంలో తీసుకున్న చర్యలు ఆర్థిక రంగానికి మద్దతునిస్తాయే గానీ, ఉత్పాదకత, వాస్తవ జీడీపీ వృద్ధి పూర్వపు స్థాయికి తీసుకెళ్లలేకపోవచ్చు.

క్విక్ రివ్యూ :
ఏమిటి : భారత్ క్రెడిట్ రేటింగ్ తగ్గింపు
ఎప్పుడు : నవంబర్ 8
ఎవరు : అంతర్జాతీయ రేటింగ్ ఏజెన్సీ మూడీస్ ఇన్వెస్టర్ సర్వీసెస్

మాదిరి ప్రశ్నలు
1. భారత్ ద్రవ్యలోటు ప్రస్తుత ఆర్థిక సంవత్సరానికి (2019-20) 3.7 శాతంగా ఉంటుందని ఏ సంస్థ ఇటీవల అంచనా వేసింది?
1. ఐఎంఎఫ్
2. ఫిచ్ రేటింగ్స్
3. మూడీస్ ఇన్వెస్టర్ సర్వీసెస్
4. ఎస్‌అండ్‌పీ గ్లోబల్ రేటింగ్స్
సమాధానం : 3