భారత్, బ్రెజిల్ మధ్య 15 ఒప్పందాలు

ఇందులో భాగంగా, రక్షణ, భద్రత, వాణిజ్యం, వ్యవసాయం, పౌరవిమానయానం, ఇంధన, ఆరోగ్యం, పరిశోధన రంగాల్లో మరింతగా సహకరించుకునేందుకు, ఉగ్రవాదానికి వ్యతిరేకంగా కలిసికట్టుగా పనిచేసేందుకు అంగీకరించాయి. ఈ మేరకు న్యూఢిల్లీలో జనవరి 25న జరిగిన కార్యక్రమంలో 15 ఒప్పందాలు చేసుకున్నాయి. భారత ప్రధాని నరేంద్ర మోదీ, బ్రెజిల్ అధ్యక్షుడు జయిర్ బొల్సనారో సమక్షంలో రెండు దేశాల అధికారులు ఒప్పందాలపై సంతకాలు చేశారు.

ఈ సందర్భంగా మోదీ మాట్లాడుతూ.. భారత్ ఆర్థిక వ్యవస్థ వృద్ధిలో బ్రెజిల్‌ను కీలకమైన భాగస్వామిగా వర్ణించారు. ఇప్పటికే బలంగా ఉన్న రెండు దేశాల సంబంధాలు తాజాగా కుదిరిన ఒప్పందాలతో మరింత దృఢమవుతాయని బొల్సనారో పేర్కొన్నారు.

క్విక్ రివ్యూ :
ఏమిటి : భారత్, బ్రెజిల్ మధ్య 15 ఒప్పందాలు
ఎప్పుడు : జనవరి 25
ఎవరు : ప్రధాని నరేంద్ర మోదీ, బ్రెజిల్ అధ్యక్షుడు జయిర్ బొల్సనారో
ఎక్కడ : న్యూఢిల్లీ
ఎందుకు : ద్వైపాక్షిక సంబంధాల బలోపేతం, వ్యహాత్మక బందాలను విసృ్తతం చేయడానికి