బ్యాడ్మింటన్ చాంపియన్‌షిప్‌లో సింధుకు స్వర్ణం

 స్విట్జర్లాండ్‌లోని బాసెల్‌లో ఆగస్టు 25న జరిగిన మహిళల సింగిల్స్ ఫైనల్లో  ప్రపంచ ఐదో ర్యాంకర్ సింధు 21-7, 21-7తో ప్రపంచ నాలుగో ర్యాంకర్, 2017 ప్రపంచ చాంపియన్ నొజోమి ఒకుహారా (జపాన్)పై విజయం సాధించింది. దీంతో ప్రపంచ సీనియర్ బ్యాడ్మింటన్ చాంపియన్‌షిప్ చరిత్రలో స్వర్ణ పతకం గెలిచిన తొలి భారతీయురాలిగా సింధు నిలిచింది. అలాగే విజయంతో 42 ఏళ్ల ప్రపంచ చాంపియన్‌షిప్ చరిత్రలో అత్యధిక పతకాలు గెలిచిన ప్లేయర్‌గా చైనా క్రీడాకారిణి జాంగ్ నింగ్ (స్వర్ణం, 2 రజతాలు, 2 కాంస్యాలు) పేరిట ఉన్న రికార్డును సింధు (స్వర్ణం, 2 రజతాలు, 2 కాంస్యాలు) సమం చేసింది. విజేతగా నిలిచిన సింధుకు 13 వేల ర్యాంకింగ్ పాయింట్లు లభించాయి. ప్రపంచ చాంపియన్‌షిప్‌లో విజేతలకు ఎలాంటి ప్రైజ్‌మనీ లేదు. వారికి కేవలం పతకాలు మాత్రమే అందజేస్తారు.
 
 మరోవైపు పురుషుల సింగిల్స్ విభాగంలో డిఫెండింగ్ చాంపియన్, టాప్ సీడ్ కెంటో మొమోటా (జపాన్) టైటిల్ నిలబెట్టుకున్నాడు. ఫైనల్లో వరల్డ్ నంబర్‌వన్ మొమోటా 21-9, 21-3తో ఆండెర్స్  ఆంటోన్సెన్ (డెన్మార్క్)ను ఓడించాడు.
 క్విక్ రివ్యూ   :
 ఏమిటి : ప్రపంచ సీనియర్ బ్యాడ్మింటన్ చాంపియన్‌షిప్‌లో స్వర్ణం
 ఎప్పుడు  : ఆగస్టు 2
 ఎవరు  :  పూసర్ల వెంకట (పీవీ) సింధు
 ఎక్కడ  :  బాసెల్, స్విట్జర్లాండ్ఔ