బ్లాక్‌ ఫంగస్‌ మందులపై జీఎస్టీ ఎత్తివేత

కేంద్ర ఆర్థిక మంత్రి నిర్మలా సీతారామన్‌ అధ్యక్షతన జూన్‌ 12న ఢిల్లీలో జరిగిన జీఎస్టీ కౌన్సిల్‌ 44వ సమావేశంలో కోవిడ్‌ విధానాలకు సంబంధించిన పలు కీలక నిర్ణయాలు తీసుకున్నారు.

జీఎస్టీ కౌన్సిల్‌ నిర్ణయాలు...

• హ్యాండ్‌ శానిటైజర్లు, పల్స్‌ ఆక్సీమీటర్లు, బీఐపీఏపీ మెషీన్, టెస్టింగ్‌ కిట్, టెంపరేచర్‌ చెక్‌ చేసే పరికరాలుసహా 18 వస్తువులపై జీఎస్‌టీ రేట్ల తగ్గింపు.
• కోవిడ్‌ వ్యాక్సిన్లపై ప్రస్తుతమున్న 5 శాతం పన్ను అలాగే కొనసాగనుంది.
• బ్లాక్‌ ఫంగస్‌ చికిత్సలో వాడే ఆంఫోటెరిసిన్‌–బి ఔషధంతో పాటు, టోసిలిజుమాబ్‌పై జీఎస్టీ పన్ను రేటు తొలగింపు. గతంలో ఈ రెండు ఔషధాలపై 5 శాతం జీఎస్‌టీ ఉండేంది.
• అంబులెన్స్‌ సేవలపై జీఎస్టీ రేటును ప్రస్తుతమున్న 28 శాతం నుంచి 12 శాతానికి తగ్గింపు.
• హెపారిన్, రెమ్‌డెసివిర్‌ వంటి యాంటీ కోగ్యులెంట్ల జీఎస్‌టీ 12 శాతం నుంచి 5 శాతానికి తగ్గింపు.
• తాజాగా తగ్గిన జీఎస్‌టీ రేట్లు 2021, సెప్టెంబర్‌ 30వ తేదీ వరకు అమల్లో ఉంటాయి.