బాక్సింగ్‌లో శివ థాపా, పూజలకు స్వర్ణాలు

జపాన్ రాజధాని టోక్యోలో అక్టోబర్ 31న జరిగిన పురుషుల 63 కేజీల కేటగిరీ ఫైనల్లో నాలుగు సార్లు ఆసియా చాంపియన్ అయిన శివ 5-0తో ఆసియా కాంస్య విజేత సనతలి టోల్తయెవ్ (కజకిస్తాన్)పై విజయం సాధించాడు. మహిళల 75 కేజీల కేటగిరీ ఫైనల్లో ఆసియా క్రీడల కాంస్య విజేత పూజా రాణి 4-1తో ఆస్ట్రేలియాకు చెందిన కై ట్లిన్ పార్కర్‌పై గెలుపొందింది.

మరో భారత బాక్సర్ ఆశిష్ పురుషుల 69 కేజీల కేటగిరీ ఫైనల్లో 1-4తో సెవొన్ ఒకజవా (జపాన్) చేతిలో ఓడి రజతం దక్కించుకున్నాడు. ఈ టెస్టు ఈవెంట్‌లో నిఖత్ జరీన్ (51 కేజీలు), సిమ్రన్‌జీత్ కౌర్ (60 కేజీలు), సుమిత్ సాంగ్వాన్ (91 కేజీలు), వహ్లిమ్‌పుయా (75 కేజీలు) కాంస్యాలు సాధించిన సంగతి తెలిసిందే. దీంతో భారత్ మొత్తం 7(2 సర్ణ+ 1 రజత+ 4 కాంస్యం) పతకాలతో టోర్నీని ముగించినట్లయింది.

క్విక్ రివ్యూ :
ఏమిటి : అంతర్జాతీయ బాక్సింగ్ టోర్నమెంట్‌లో స్వర్ణ విజేతలు
ఎప్పుడు : అక్టోబర్ 31
ఎవరు : శివ థాపా, పూజా రాణి
ఎక్కడ : టోక్యో, జపాన్