ఆసియా ఎయిర్ గన్‌లో భారత్‌కు ఐదు స్వర్ణాలు

పోటీలకు ఆఖరి రోజైన ఏప్రిల్ 1న జరిగిన జూనియర్ పురుషుల 10 మీటర్ల ఎయిర్ రైఫిల్ ఈవెంట్ వ్యక్తిగత విభాగంలో యశ్‌వర్ధన్ పసిడి పతకం సాధించాడు. టీమ్ ఈవెంట్‌లో యశ్‌వర్ధన్ కెవల్ ప్రజ్‌పతి, ఐశ్వర్య్ తోమర్‌ల బృందం స్వర్ణం సాధించింది. మిక్స్‌డ్ ఈవెంట్‌లో యశ్‌వర్ధన్, శ్రేయ అగర్వాల్ స్వర్ణం నెగ్గారు.

మరోవైపు జూనియర్ మహిళల 10 మీ. ఎయిర్‌రైఫిల్ ఈవెంట్ వ్యక్తిగత విభాగంలో శేయ అగర్వాల్బంగారు పతకాన్ని సొంతం చేసుకుంది. అలాగే మెహులీ ఘోష్, కవి చక్రవర్తి, శేయ అగర్వాల్లతో కూడిన బృందం స్వర్ణ పతకాన్ని సాధించింది. 10 మీ. ఎయిర్‌రైఫిల్ పోటీలో మెహులీ మూడో స్థానంలో నిలిచి కాంస్యం చేజిక్కించుకొన్నాడు.

ఆసియా ఎయిర్ గన్ చాంపియన్‌షిప్‌లో ఓవరాల్‌గా భారత్ 25 పతకాలు గెలుచుకుంది.ఇందులో 16 స్వర్ణాలు, 5 రజతాలు, 4 కాంస్యాలున్నాయి.
క్విక్ రివ్యూ :
ఏమిటి : ఆసియా ఎయిర్ గన్ చాంపియన్‌షిప్‌లో భారత్‌కు ఐదు స్వర్ణాలు
ఎప్పుడు : ఏప్రిల్ 1
ఎక్కడ : తవోయున్, చైనీస్‌తైపీ