Sakshi Education
అనంతపురం విద్య: రాష్ట్రవ్యాప్తంగా 42 కేంద్రాల్లో గురువారం ఏపీ లాసెట్-2020 నిర్వహిస్తున్నట్లు సెట్ కన్వీనర్ ప్రొఫెసర్ జ్యోతి విజయ్‌కుమార్ తెలిపారు.
మూడేళ్ల ఎల్‌ఎల్‌బీ, రెండేళ్ల లా పీజీ కోర్సుకు సంబంధించి ప్రవేశ పరీక్ష నిర్వహిస్తున్నట్లు బుధవారం చెప్పారు. గురువారం మధ్యాహ్నం 3 నుంచి 4:30 గంటల వరకు పరీక్ష నిర్వహిస్తామన్నారు. పరీక్షకు 18,400 మంది అభ్యర్థులు దరఖాస్తు చేసుకున్నట్లు పేర్కొన్నారు. అభ్యర్థులు కోవిడ్ నిబంధనలు పాటించి పరీక్ష కేంద్రానికి చేరుకోవాలని సూచించారు. మాస్క్ తప్పనిసరిగా ధరించాలని, శానిటైజర్ వెంట తెచ్చుకోవాలని చెప్పారు. నిమిషం ఆలస్యమైనా పరీక్షకు అనుమతించేది లేదని స్పష్టం చేశారు.
Published date : 01 Oct 2020 12:52PM
