నేడు ఏపీ ఈసెట్ 2020 ప్రిలిమినరీ కీ విడుదల

ఆంధ్రప్రదేశ్ రాష్ట్ర వ్యాప్తంగా ఈసెట్ పరీక్షకు 85.84 శాతం మంది హాజరయ్యారని ఉన్నత విద్యామండలి సెట్స్ ప్రత్యేకాధికారి డాక్టర్ ఎం.సుధీర్‌రెడ్డి ఒక ప్రకటనలో తెలిపారు. మొత్తం 37,167 మంది పరీక్షకు దరఖాస్తు చేయగా వారిలో 31,891 మంది పరీక్షకు హాజరయ్యారన్నారు. అలాగే, పరీక్ష ప్రిలిమినరీ కీ ఏపీఈసెట్ వెబ్‌సైట్‌లో మంగళ వారం నుంచి అందుబాటులో ఉంచనున్నట్లు ఈసెట్ రాష్ట్ర కన్వీనర్ పీఆర్ భానుమూర్తి తెలిపారు. ఇందులో అభ్యంతరాలు ఏమైనా ఉంటే apecet2020objections@gmail.com మెయిల్ ద్వారా ఈ నెల 17వ తేదీలోపు తెలుపవచ్చన్నారు. ఇక తెలంగాణలోని పరీక్ష కేంద్రాల్లో నిర్వహించిన ఏపీఈసెట్‌కు 4,191 మందికిగాను 1,652 మంది హాజరైనట్లు ఆయన వెల్లడించారు.