✅ 🔔 Don’t forget to hit the bell icon for notifications! 🚀

#యూనియ‌న్ ప‌బ్లిక్ స‌ర్వీస్ క‌మిష‌న్ నిర్వ‌హించిన సివిల్స్‌-2024 ఫలితాల్లో శక్తి దూబే ఆల్ ఇండియా నెం-1 సాధించి దేశవ్యాప్తంగా గుర్తింపు పొందింది. ఉత్తరప్రదేశ్‌లోని ప్రయాగ్‌రాజ్‌కు చెందిన శక్తి దూబే. ఏప్రిల్ 21న విడుదలైన ఈ ఫలితాల్లో ఆమె అత్యున్నత స్థానం దక్కించుకోవడం రాష్ట్రానికే గర్వకారణంగా మారింది. ఆమె విజయం ఒక్క వ్యక్తిగత గెలుపు మాత్రమే కాదు... లక్షల మందికి ప్రేరణ ఇవ్వగలిగిన ఒక చిరస్మరణీయ ఘట్టం. శక్తి దూబే సాధారణ మధ్య తరగతి కుటుంబంలో పుట్టింది. ఆమె చిన్నప్పటి నుంచే చదువుపట్ల ఆసక్తి చూపించేది. ఎలాంటి సౌక‌ర్యాలు లేకుండానే.., సాధ్యమైనంత సాధనతో చదువులో మెరుగుదల సాధించేందుకు శ్రమించింది. చదువులో ఉన్న ఆసక్తే ఆమెను అలహాబాద్ విశ్వవిద్యాలయం వరకు తీసుకెళ్లింది. అక్కడ ఆమె BSc పూర్తి చేసింది. ఆమె విజ్ఞానశాస్త్రంలో ఉన్న పట్టు వదలకుండా, 2016లో బనారస్ హిందూ విశ్వవిద్యాలయం (BHU) నుంచి బయోకెమిస్ట్రీలో పోస్ట్ గ్రాడ్యుయేషన్ పూర్తిచేసింది. మొదట్లో సివిల్ సర్వీసెస్ అన్నది ఆమెకు కొత్తదే. కానీ దేశానికి సేవ చేయాలన్న ఆత్మీయత ఆమెను ఈ వైపు మళ్లించింది. 2018లో ఐఏఎస్ కావాలి అన్న కల స్పష్టంగా కలగలసింది. సైన్స్ బ్యాక్ గ్రౌండ్‌ ఉన్నప్పటికీ, శక్తి Political Science, International Relations వంటి సబ్జెక్టులను ఎంచుకుంది. ఇది చాలా మందికి అసాధారణమైన ఎంపికలా అనిపించినా.. ఆమెకు మాత్రం ఇది వ్యూహాత్మక నిర్ణయం. ఈ విషయాల్లో ఆమె చూపిన లోతైన అవగాహన, సమకాలీన అంశాలపై ఉన్న పట్టుదల, ఆమె జ్ఞానం ఎంత విస్తారంగా ఉందో స్పష్టం చేసింది.

🎥 Video Credit:

Original footage courtesy of ANI/ANI-twitter]

Watch the original video here: https://x.com/i/status/1914653187337789922