సీబీఎస్‌ఈ 10, 12వ తరగతి ఫలితాల కోసం విద్యార్థులు, తల్లిదండ్రులు ఎంతగానో ఎదురుచూస్తున్నారు. ఈ నేపథ్యంలో మే 6వ తేదీన ఉదయం 11గంటలకు సీబీఎస్‌ఈ 10, 12వ తరగతి ఫలితాలు విడుదల చేస్తున్నట్లు సీబీఎస్‌ఈ బోర్డు పేరుతో ఓ వార్త సోషల్‌ మీడియాలో చక్కర్లు కొడుతుంది. అయితే ఈ ప్రకటనపై తాజాగా సీబీఎస్‌ఈ బోర్డు స్పందించింది.

ఈ వార్తలో నిజం లేదని, అది ఫేక్‌ లెటర్‌ అంటూ స్పష్టం చేసింది. సోషల్‌ మీడియాలో సర్క్యూలేట్‌ అవుతున్న సమాచారాన్ని నమ్మొద్దని విద్యార్థులు, తల్లిదండ్రులకు బోర్డు సూచించింది. అంతేకాకుండా తమ అఫీషియల్‌ అకౌంట్‌లో త్వరలోనే రిజల్ట్స్‌ ప్రకటన తేదీని వెల్లడిస్తామని పేర్కొన్నారు.

కాగా ఈ ఏడాది సీబీఎస్‌ఈ 10, 12వ తరగతి పరీక్షలకు దాదాపు 44 లక్షల మంది విద్యార్థులు హాజరయ్యారు. వీరిలో 24.12 లక్షల మంది విద్యార్థులు పదో తరగతి పరీక్షలు రాయగా.. 17.88 లక్షల మంది విద్యార్థులు 12వ తరగతి పరీక్షలు రాశారు.

సీబీఎస్​ఈ ఫలితాలు ఎప్పుడు?
సీబీఎస్​ఈ క్లాస్​ 10, క్లాస్​ 12 ఫలితాల విడుదలకు సంబంధించి బోర్డు ఇంకా ఎలాంటి ప్రకటన చేయలేదు. అయితే గతేడాది కూడా మే రెండో వారంలోనే ఫలితాలను విడుదల చేశారు. దీంతో ఈసారి కూడా మే రెండో వారంలో ఫలితాలు వెలువడే అవకాశాలు ఉన్నాయని తెలుస్తోంది. 

☛Follow our YouTube Channel (Click Here)

☛ Follow our Instagram Page (Click Here)

☛ Join our WhatsApp Channel (Click Here)

☛ Join our Telegram Channel (Click Here)