క్లిక్ దూరంలో... కొలువులు

నైపుణ్యాలు పొందొచ్చు
సోషల్ మీడియా అంటే ఫ్రెండ్స్‌తో చాటింగ్, షేరింగ్, లైక్స్, మాత్రమే అనే ఆలోచన మార్చుకోవాలి. సోషల్ మీడియా ద్వారా నైపుణ్యాలను పెంచుకునేందుకు ఎన్నో అవకాశాలున్నాయి. ముఖ్యంగా విద్యార్థులు దీన్ని గుర్తించాలి. డొమైన్ ఏరియాలకు సంబంధించి లేటెస్ట్ డెవలప్‌మెంట్స్‌పై ఇన్ఫర్మేషన్ ఇప్పుడు సోషల్ మీడియా వెబ్‌సైట్లలో లభిస్తోంది. దీని కోసం వెబ్‌సైట్లలో అవసరమైన విభాగంలో ‘క్రియేట్ అలర్ట్స్’ బటన్‌పై క్లిక్ చేయాలి. ఫలితంగా ఆ రంగంలోని తాజా సమాచారం ఎప్పటికప్పుడు అభ్యర్థుల లాగిన్ ఐడీకి పాస్ అవుతుంది. సోషల్ మీడియాను ప్రధానంగా సమకాలీన సమాచారం తెలుసుకునేందుకు ఉపయోగపడే సాధనంగా వినియోగించుకోవాలి.
- కృష్ణ ప్రసాద్, హెడ్, సోషల్ మీడియా ఇండియా ప్రైవేట్ లిమిటెడ్

కెరీర్ అవకాశాల దిశగా...
సోషల్ మీడియా వెబ్‌సైట్లు ఉన్నత కెరీర్ అవకాశాలకు మార్గాలుగా మారుతున్నాయి. ఉద్యోగాల అన్వేషణలో ఉన్న అభ్యర్థులు జాబ్ సెర్చ్ పోర్టల్స్‌పై ఆధారపడుతుంటారు. లింక్డ్ ఇన్, గూగుల్ గ్రూప్స్ వంటి సోషల్ మీడియా వెబ్‌సైట్స్‌లో ప్రొఫైల్ అప్‌లోడ్ చేయాలి. తద్వారా సంబంధిత రెజ్యుమేను అప్పటికే ఆ రంగంలో ఉన్న ప్రొఫెషనల్స్ వీక్షించే అవకాశం ఉంటుంది. ఇటీవల కాలంలో కొంత మంది హెచ్.ఆర్.హెడ్స్ తమ కంపెనీల్లోని ఉద్యోగ సమాచారాన్ని కూడా పర్సనల్ పేజీల్లో పోస్ట్ చేస్తున్నారు. ఇలాంటి సమాచారాన్ని పొందేందుకు అభ్యర్థులు ప్రొఫెషనల్స్‌కి ఇంటరాక్ట్ ఇన్విటేషన్ రిక్వెస్ట్ పంపాలి. సోషల్ మీడియా వెబ్‌సైట్లలోని సెర్చ్ ఆప్షన్స్ ద్వారా ప్రొఫెషనల్స్ వివరాలు తెలుసుకోవచ్చు. సోషల్ మీడియాను ఈ విధమైన కోణంలో ఉపయోగించుకుంటే మంచి అవకాశాలు అందుకోవచ్చు.
- కె.ఇమాన్యుయేల్, సోషల్ నెట్‌వర్క్ లీడ్, జీవా ఇన్ఫోటెక్