కెరీర్‌ ఎంపికలో వినూత్న కోర్సులు.. స‌మాచారం తెలుసుకోండిలా..!

డిగ్రీ చేతికొచ్చింది. ఇంకేముంది ఉద్యోగంలో స్థిరపడటమే తరువాయి...! అయితే అందివచ్చిన ఏ ఉద్యోగంలోనైనా చేరేందుకు సిద్ధమా.. లేదా ఆలోచించి నిర్ణయం తీసుకుంటారా.. రెండో మార్గాన్ని అనుసరించిన వారికే విజయావకాశాలు ఎక్కువగా ఉంటాయి. ఏ రంగం సరితూగుతుంది.. ఏ జాబ్‌ ఫ్రొఫైల్‌ సూటవుతుంది.. వంటి అంశాలను పరిశీలించి నిర్ణయాలు తీసుకున్న వారికి ఉజ్వల భవిష్యత్‌ సొంతమవడం ఖాయం. కెరీర్‌ను ఎంపిక చేసుకొనే సమయంలో అభిరుచి, స్వీయ నైపుణ్యాలను మేళవించి నిర్ణయం తీసుకోవాలి. అప్పుడే ఫలితాలు ఫలప్రదంగా ఉంటాయి.

మిమ్మల్ని తెలుసుకోండి..
కెరీర్‌ను ఎంచుకునే ముందు ప్రతి విద్యార్థి తన గురించి తాను తెలుసుకోవాలి. ఈ విషయంలో తల్లిదండ్రులు, తెలిసినవారు, సీనియర్ల అభిప్రాయాలు పరిగణించాలి. దాంతోపాటు స్వీయ అవలోకనం చేపట్టాలి.

అవగాహన..
ఆసక్తులు, సమర్థతలపై నిర్ణయానికొచ్చిన తర్వాత సదరు సబ్జెక్టు అందించే కెరీర్ల గురించి అధ్యయనం చేయాలి. ఏయే విభాగాలు, రంగాల్లో అవకాశాలు ఉన్నాయో తెలుసుకోవాలి. దీనికోసం ఇప్పటికే ఆయా రంగాల్లో పనిచేస్తున్న వారిని సంప్రదించాలి. అలా సేకరించిన అభిప్రాయాల ఆధారంగా ఏ కెరీర్‌ను ఎంచుకోవాలి? దేన్ని తిరస్కరించాలో నిర్ణయించుకోవాలి.

సైన్స్‌..
సైన్స్‌పై ఆసక్తి ఉన్న విద్యార్థులు ఇంజనీరింగ్, మెడిసిన్, ఫార్మసీ వంటి కెరీర్లు ఎంచుకోవచ్చు.

కామర్స్‌..
కామర్స్‌ నిపుణులు కంపెనీకి వెన్నుముకగా నిలుస్తారు. కామర్స్‌ రంగంలో పలు జాబ్‌ ప్రొఫైల్స్‌కు అధిక డిమాండ్‌ ఉంది. సీఏ, సీఎస్, సీఎంఏ వంటి కోర్సులు పూర్తి చేయడం ద్వారా మంచి అవకాశాలు సొంతం చేసుకోవచ్చు.

ఆర్ట్స్‌..