విదేశాల్లో ఎంబీఏకు ఉపయోగపడే.. ఎన్‌మ్యాట్‌ 2021 నోటిఫికేషన్‌ విడుదల..

ఈ నేపథ్యంలో.. ఎన్‌మ్యాట్‌ దరఖాస్తు ప్రక్రియ, అర్హతలు, ప్రవేశ విధానం, ఎన్‌మ్యాట్‌తో ప్రవేశాలు కల్పించే ఇన్‌స్టిట్యూట్‌ల వివరాలు...

జీఎంఏసీ... ప్రపంచంలోని ప్రముఖ బిజినెస్‌ స్కూల్స్‌ భాగస్వామ్యంతో ఏర్పాటైన లాభాపేక్షలేని సంస్థ. ఇది జీమ్యాట్, ఎన్‌మ్యాట్‌లను నిర్వహిస్తోంది. ఎన్‌మ్యాట్‌ ద్వారా భారత్‌తోపాటు దక్షిణాఫ్రికా, ఫిలిప్పీన్స్, నైజీరియా వంటి దేశాల్లో ఎంబీఏ లేదా ఇతర మేనేజ్‌మెంట్‌ డిగ్రీ కోర్సుల్లో ప్రవేశాలు దక్కించుకోవచ్చు.

ఏటా మూడుసార్లు..
సంవత్సరంలో ఎన్‌మ్యాట్‌కు మూడుసార్లు హాజరవ్వొచ్చు. ప్రతి అటెంప్ట్‌కు కనీసం 15 రోజుల వ్యత్యాసం తప్పనిసరి. తద్వారా అభ్యర్థులు అత్యుత్తమ ప్రదర్శనను కనబరచొచ్చు. పరీక్షకు సంబంధించి విద్యార్థులు తమకు నచ్చిన తేదీ, టెస్టు సెంటర్లను ఎంపిక చేసుకోవచ్చు. అలాగే పరీక్షలో సమా ధానాలు గుర్తించే క్రమంలో నచ్చిన విభాగాన్ని ఎంచుకునే వెసులుబాటు కూడా ఉంది. పరీక్ష పరంగా నెగిటివ్‌ మార్కుల విధానం లేదు. ఎన్‌మ్యాట్‌ ప్రాక్టీస్‌ మెటీరియల్, గత ప్రశ్నలు అధికారిక వెబ్‌సైట్‌లో అందుబాటులో ఉంటాయి. అభ్యర్థులు వాటిని సాధన చేయటం లాభిస్తుంది.

స్కోర్‌ కార్డ్‌..
ఎన్‌మ్యాట్‌ పరీక్ష ఫలితాల ఆధారంగా అభ్యర్థులు ఆయా బిజినెస్‌ స్కూల్స్‌కు ప్రత్యేకంగా దరఖాస్తు చేసుకోవాల్సి ఉంటుంది. ఎన్‌మ్యాట్‌కు హాజరైన అభ్యర్థులు తమ స్కోరును అప్పటికప్పుడు వీక్షించొచ్చు. కేవలం 48 గంటల్లోనే స్కోరు కార్డును డౌన్‌లోడ్‌ చేసుకోవచ్చు. పరీక్షలో అన్ని సెక్షన్లకు సమాన వెయిటేజీ ఉంటుంది.

41 ఇన్‌స్టిట్యూట్‌లు..
భారత్‌లో ఎన్‌మ్యాట్‌ స్కోరుకు విస్తృత గుర్తింపు ఉంది. మొత్తం 41పేరున్న ఇన్‌స్టిట్యూట్‌లు ఎన్‌మ్యాట్‌ స్కోరు ఆధారంగా బిజినెస్‌ కోర్సుల్లో ప్రవేశాలు కల్పిస్తున్నాయి. వాటిలో కొన్నింటి వివరాలు... 

పూర్తి వివరాలకు వెబ్‌సైట్‌: www.nmat.org

 

చ‌ద‌వండి: ఈ టెస్ట్‌లో స్టాండర్డ్‌ స్కోర్‌తో.. విదేశీ విద్యకు తొలి అడుగు!!