రెండు తెలుగు రాష్ట్రాల్లో ఇంటర్ సెకండియర్ షెడ్యూల్ విడుదల.. తెలంగాణలో ఇలా..

తెలంగాణలో మే 1వ తేదీ నుంచి; ఆంధ్రప్రదేశ్‌లో మే 5వ తేదీ నుంచి ఇంటర్ సెకండియర్ పరీక్షలు ప్రారంభం కానున్నాయి. ఇదే సమయంలో జేఈఈ మెయిన్ సెషన్స్‌కు సైతం విద్యార్థులు సిద్ధం కావాల్సి ఉంటుంది. దాంతో మార్చి, ఏప్రిల్, మే నెలల్లో విద్యార్థుల దృష్టంతా ఇంటర్మీడియెట్ పరీక్షలతోపాటు జేఈఈ మెయిన్‌పైనే ఉండనుంది. ఈ నేపథ్యంలో.. తెలుగు రాష్ట్రాల్లోని ఇంటర్మీడియెట్ ఎంపీసీ సెకండియర్ విద్యార్థులకు ఉపయోగపడేలా సమగ్ర ప్రిపరేషన్ ప్లాన్...

పరీక్ష విధానం..
కొవిడ్ నేపథ్యంలో రెండు రాష్ట్రాల ఇంటర్మీడియెట్ బోర్డులు పేపర్ ప్యాట్రన్‌లో మార్పులు చేశాయి. కొత్త పేపర్ విధానం కింది విధంగా ఉండనుంది.

తెలంగాణలో ఇంటర్ ఎంపీసీ రెండో సంవత్సరం పరీక్ష విధానం

సబ్జెక్టు దీర్ఘ సమాధాన స్వల్ప సమాధాన

1. ఎప్పట్లానే సెక్షన్ 3లో అతి స్వల్ప సమాధాన ప్రశ్నలు 10 ఇస్తారు. వీటిలో ఎలాంటి ఛాయిస్ ఉండదు.

మ్యాథ్స్- ఐఐ ఎ..

1. నూతన సిలబస్ ప్రకారం- ర్యాండమ్ వేరియబుల్స్, కాంప్లెక్స్ నంబర్స్, డీమోర్స్ థీరమ్, స్టాటిస్టిక్స్, థియరీ ఆఫ్ ఈక్వేషన్స్, ప్రాబబిలిటీ, బైనామియల్ థీరమ్ ఛాప్టర్లు 7 మార్కుల పరంగా కీలకంగా నిలవనున్నాయి. బైనామియల్ థీరమ్‌లో (ద్విపద సిద్ధాంతం)లో అధిక భాగం తొలగించడం జరిగింది. వీటితోపాటు సంకలన, గుణకలన సిద్ధాంతాలు, ఇచ్చిన పట్టిక నుంచి కె, మధ్యమం, విస్తృతి కనుగొనుట, ఏపీ, జీపీ హెచ్‌పీలను ముఖ్యమైనవిగా భావించాలి.
2. పస్తారాలు, సంయోగాల నుంచి 4, 2 మార్కుల ప్రశ్నలు వస్తాయి. ర్యాంక్ కనుగొనుట, సమ్ ఆఫ్ నంబర్స్, కమిటీ ప్రాబ్లమ్స్ చాలా కీలకం. వర్గ సమీకరణ మొదటి రెండు సిద్ధాంతాలు, గరిష్ట, కనిష్ట విలువలు, వ్యాప్తి కనుగొనుట కీలకమైనవిగా గుర్తించాలి.