మేనేజ్‌మెంట్ చదవాలనుకునే వారికి క్యాట్ కాకుండా మరో దారి.. ఎక్స్‌ఏటీ-2021.. సమాచారం ఇదిగో..

Sakshi Education

మేనేజ్‌మెంట్ మాస్టర్స్ కోర్సుల్లో ప్రవేశాలకు జాతీయ స్థాయిలో నిర్వహించే మరో ఎంట్రన్స్ టెస్ట్.. జేవియర్ అప్టిట్యూడ్ టెస్ట్(ఎక్స్‌ఏటీ).

తాజాగా ఎక్స్‌ఏటీ-2021కు నోటిఫికేషన్ విడుదలైంది. ఏదైనా డిగ్రీ అర్హతతో ఎక్స్‌ఏటీకి దరఖాస్తు చేసుకోవచ్చు. ఈ నేపథ్యంలో.. ఎక్స్‌ఏటీ ప్రత్యేకతలు, భాగస్వామ్య ఇన్‌స్టిట్యూట్‌లు, పరీక్ష విధానం, సిలబస్ విశ్లేషణ, ప్రిపరేషన్ గురించి తెలుసుకుందాం..

కోర్సులు- కాల వ్యవధి..

దీని ద్వారా ఎక్స్‌ఎల్‌ఆర్‌ఐలో పీజీడీఎం బిజినెస్ మేనేజ్‌మెంట్; పీజీడీఎం హ్యూమన్ రిసోర్స్ మేనేజ్‌మెంట్. ఈ రెండు కోర్సుల కాల వ్యవధి: రెండేళ్లు. అలాగే మరో కోర్సు.. పీజీడీఎం-జనరల్ మేనేజ్‌మెంట్ ప్రోగ్రామ్. దీని కాల వ్యవధి 15 నెలలు. దీంతోపాటు ఎఫ్‌పీఎం- నాలుగేళ్ల ఫెలో ప్రోగ్రామ్ ఇన్ మేనేజ్‌మెంట్‌లోనూ ప్రవేశం పొందొచ్చు.

భాగస్వామ్య ఇన్‌స్టిట్యూట్‌లు..

దేశంలోని 78 ఇన్‌స్టిట్యూట్‌లు ఎక్స్‌ఏటీకి భాగస్వామ్యంగా ఉన్నాయి. వీటితోపాటు మరో 11 ఇన్‌స్టిట్యూట్‌లు ఎక్స్‌ఏఎమ్‌ఐ మెంబర్స్‌గా ఉన్నాయి. ఎక్స్‌ఏటీ ద్వారా ప్రవేశం కల్పిస్తున్న పలు ఇన్‌స్టిట్యూట్స్..