కొలువుల సాధనలో ముందజ ఉన్న పర్యాటకం.. 2024 వరకు 30 లక్షల వరకు ఉద్యోగాలు..!

అందుకే కొందరు సంవత్సరంలో ఒక్కసారైనా ఏదో ఒక పర్యాటక ప్రాంతానికి వెళ్లి రిలాక్స్ అవ్వాలనుకుంటున్నారు! మరికొందరు కొత్త ప్రాంతాలను చూడాలని ఉత్సాహపడుతుంటారు!! ఇదే.. ఇప్పుడు ట్రావెల్, టూరిజం రంగంలో..యువతకు అవకాశాలకు మార్గంగా నిలుస్తోంది! పలు టూరిజం, ట్రావెల్ సంస్థలు, ఏజెన్సీలు సుశిక్షితులైన మానవ వనరుల కోసం అన్వేషిస్తున్నాయి. దీనికి అనుగుణంగానే అకడమిక్ నైపుణ్యాలు అందించేలా సంబంధిత కోర్సులు అందుబాటులోకి వస్తున్నాయి. ఈ నేపథ్యంలో.. ట్రావెల్ అండ్ టూరిజం రంగంలో ఉద్యోగావకాశాలు, అకడమిక్ నైపుణ్యాలకు మార్గాల గురించి తెలుసుకుందాం..

పలు సంస్థల అంచనా ప్రకారం-2024 నాటికి టూరిజం రంగం మూడు మిలియన్ల ఉద్యోగాలకు వేదికగా నిలవనుంది. గతేడాది కరోనా పరిస్థితుల కారణంగా నియామకాలు కొంతమేర తగ్గాయి. మరికొద్ది నెలల్లో సాధారణ పరిస్థితులు నెలకొంటాయని నిపుణులు పేర్కొంటున్నారు. దాంతో టూరిజం అండ్ ట్రావెల్ రంగం రికవరీ బాట పట్టి.. నియామకాలు ఆశాజనకంగా ఉంటాయని అంచనా వేస్తున్నారు.

విద్యార్థులకు చక్కటి వేదికగా..
ప్రస్తుతం కెరీర్స్, కోర్సులు అనగానే చాలా మందికి సైన్స్, మ్యాథమెటిక్స్ ఆధారంగా ఇంజనీరింగ్, మెడికల్ మాత్రమే గుర్తుకొస్తాయి. ఈ సబ్జెక్ట్‌లపై ఆసక్తిలేని విద్యార్థులకు చక్కటి ఉపాధి వేదికగా నిలుస్తోంది.. ట్రావెల్ అండ్ టూరిజం. ఈ విభా గంలో ఉపాధికి మార్గం వేసే నైపుణ్యాలు అందించే కోర్సులు కూడా అందుబాటులోకి వచ్చాయి.

స్పెషలైజ్డ్ కోర్సులు..
దేశంలోని పలు ఇన్‌స్టిట్యూట్‌లు ట్రావెల్, టూరిజం సంబంధిత కోర్సులను.. డిప్లొమా, బ్యాచిలర్ డిగ్రీ, పోస్ట్ గ్రాడ్యుయేట్ స్థాయిలో అందిస్తున్నాయి. ముఖ్యంగా..