బడ్జెట్ ముఖ్యాంశాలు:
- ఈసారి ప్రణాళిక వ్యయం కింద రూ. 52,383 కోట్లు, ప్రణాళికేతర వ్యయం కింద రూ. 63,306 కోట్లను సర్కారు ప్రతిపాదించింది.
- తొలి బడ్జెట్లో రూ. 301.02 కోట్ల మిగులు చూపించిన ప్రభుత్వం.. ఈసారి రూ. 531 కోట్లు చూపించింది.
- ద్రవ్యలోటు రూ. 16,969 కోట్లుగా అంచనా. రాష్ట్ర స్థూల ఉత్పత్తి(జీఎస్డీపీ)లో ఇది 3.49 శాతం.
- ఈ ఏడాది పన్నుల ద్వారా మొత్తం రూ.46,494.75 కోట్ల ఆదాయం వస్తుందని అంచనా. గతేడాదితో పోల్చితే వ్యాట్ ద్వారా రూ. 11,116 కోట్ల అదనపు రాబడే లక్ష్యం.
- మద్యం అమ్మకాల ద్వారా రూ. 12 వేల కోట్ల ఆదాయం రాబట్టుకునే ప్రయత్నం.
- ఇసుక క్వారీలు, విక్రయాల ద్వారా రూ. 1500 కోట్లకుపైగా ఆదాయం అంచనా.
- గత ఏడాది భూముల అమ్మకం, క్రమబద్ధీకరణతో రూ. 6,500 కోట్లు వస్తుందని అంచనా వేయగా కేవలం రూ. వెయ్యి కోట్ల రాబడి వచ్చింది. ఈసారి ఏకంగా రూ. 13,500 కోట్ల ఆదాయాన్ని అంచనా వేశారు.
- గత ఏడాది ఉద్యోగుల జీతాలకు రూ.16,965.33 కోట్లు ఖర్చు చేయగా.. వచ్చే ఆర్థిక సంవత్సరంలో రూ.20,045.23 కోట్లు ఖర్చు అవుతుందని అంచనా వేసింది. ఉద్యోగులకు చెల్లించే పెన్షన్లకు రూ.8,235.87 కోట్లు అవసరం.
- మిషన్ కాకతీయలో భాగంగా 9,308 చెరువుల పునరుద్ధరణ లక్ష్యంగా పెట్టుకున్న ప్రభుత్వం రూ.2,083 కోట్లు కేటాయించింది.
- భారీ నీటిపారుదల, చిన్న నీటిపారుదల, వ్యవసాయం, పాఠశాల, ఉన్నత విద్య, గ్రామీణాభివద్ధి, విద్యుత్ రంగాలకు భారీగా నిధులు కేటాయించింది.
- ప్రభుత్వం ప్రతిష్ఠాత్మకంగా తలపెట్టిన మిషన్ కాకతీయ, వాటర్గ్రిడ్, ఆహార భద్రత, ఆసరా, కళ్యాణలక్ష్మి, రైతు రుణాల మాఫీ, పథకాలకు సముచిత నిధులు కేటాయించింది.
- ఎన్నికల మేనిఫెస్టోలో ప్రకటించిన కేజీ టు పీజీ నిర్బంధ విద్య, డబుల్ బెడ్రూం ఇళ్ల నిర్మాణం, ఉద్యోగాల కల్పనను ఈ బడ్జెట్టులో ప్రభుత్వం పూర్తిగా విస్మరించింది.
విభాగం | ప్రణాళికేతర | ప్రణాళిక | మొత్తం |
వ్యవసాయం, సహకారం | 4930 | 1598 | 6528 |
పశుసంవర్థక, డెయిరీ, మత్స్యాభివృద్ధి | 517 | 233 | 750 |
మార్కెటింగ్ | 141 | 464 | 605 |
బీసీ సంక్షేమం | 247 | 1925 | 2172 |
పర్యావరణ, అటవీ, శాస్త్ర సాంకేతికం | 271 | 283 | 554 |
ఉన్నత విద్య | 1754 | 408 | 2162 |
విద్యుత్ | 6027 | 1373 | 7400 |
మాధ్యమిక విద్య | 7976 | 1078 | 9054 |
ఆహార, పౌరసరఫరాలు | 2300 | 40 | 2340 |
ఆర్థిక | 20408 | 150 | 20558 |
సాధారణ పరిపాలన | 348 | 105 | 452 |
ఆరోగ్యం, కుటుంబ సంక్షేమం | 2473 | 2459 | 4932 |
పోలీసు విభాగం | 3960 | 353 | 4313 |
గృహనిర్మాణం | 42 | 832 | 874 |
నీటిపారుదల | 3234 | 8500 | 11734 |
మౌలిక సదుపాయాలు, పెట్టుబడులు | 10 | 21 | 31 |
పరిశ్రమలు, వాణిజ్యం | 114 | 859 | 974 |
ఐటీ, కమ్యూనికేషన్స్ | 2 | 132 | 134 |
కార్మిక, ఉపాధి కల్పన | 381 | 70 | 451 |
న్యాయ శాఖ | 767 | 50 | 817 |
శాసన వ్యవహారాలు | 76 | 0 | 76 |
పురపాలక, పట్టణాభివృద్ధి | 848 | 3176 | 4024 |
మైనార్టీ సంక్షేమం | 5 | 1100 | 1105 |
పబ్లిక్ ఎంటర్ప్రైజెస్ | 1 | 0 | 1 |
ప్రణాళిక విభాగం | 66 | 764 | 830 |
పంచాయతీరాజ్, గ్రామీణాభివృద్ధి | 1959 | 11225 | 13184 |
రెవెన్యూ | 2084 | 266 | 2350 |
వర్షాభావ ప్రాంతాల అభివృద్ధి | 1 | 0 | 1 |
షెడ్యూల్ కులాల అభివృద్ధి | 607 | 5547 | 6154 |
రహదారులు-భవనాలు | 1178 | 4739 | 5917 |
గిరిజన సంక్షేమం | 431 | 2878 | 3309 |
మహిళా,శిశు సంక్షేమం | 78 | 1481 | 1559 |
యువజన, పర్యాటక సాంస్కృతిక | 70 | 274 | 344 |
మొత్తం | 63306 | 52383 | 115689 |