ఏపీపీఎస్సీ గ్రూప్-1 పోస్టుల భర్తీ ప్రక్రియకు బ్రేక్‌వేస్తూ స్టే జారీ చేసిన హైకోర్టు

120 ప్రశ్నల్లో 51 ప్రశ్నలు తప్పు ఉంటే దానిని పరీక్ష అంటారా అని ఏపీపీఎస్సీని నిలదీసింది. పూర్తి వివరాలతో కౌంటర్ దాఖలు చేయాలని పబ్లిక్ సర్వీస్ కమిషన్ను ఆదేశించింది. తదుపరి విచారణను 2 వారాలకు వాయిదా వేసింది. ఈ మేరకు ప్రధాన న్యాయమూర్తి జస్టిస్ జితేంద్రకుమార్ మహేశ్వరి, న్యాయమూర్తి జస్టిస్ నైనాల జయసూర్యతో కూడిన ధర్మాసనం జనవరి 27 (సోమవారం)నఉత్తర్వులు జారీ చేసింది. 169 గ్రూప్-1 పోస్టుల భర్తీకి పరీక్ష నిర్వహించగా.. తెలుగు అనువాదం లో 51 తప్పులు దొర్లాయంటూ పలువురు అభ్యర్థులు హైకోర్టును ఆశ్రయించారు. దీనిపై జరిపిన సింగిల్ జడ్జి ప్రాథమిక పరీక్ష ఫలితాలపై స్టే విధించారు. ఆ తరువాత దానిని ఎత్తివేశారు. దీనిపై పలువురు ధర్మాసనం ఎదుట అప్పీల్స్ దాఖలు చేయగా.. వాదనలు విన్న ధర్మాసనం కౌంటర్ దాఖలు చేయాలని ఏపీపీఎస్సీని ఆదేశించింది.