Sakshi Education

సాక్షి, అమరావతి: లాక్‌డౌన్, కరోనా విపత్తుతో వాయిదా పడుతూ వచ్చిన పదో తరగతి వార్షిక పరీక్షలను జూలై 10వ తేదీనుంచి నిర్వహించాలని ఆంధ్రప్రదేశ్ రాష్ట్ర ప్రభుత్వం నిర్ణయించింది.

తాజా పరిస్థితుల నేపథ్యంలో ఈసారి పేపర్లను 11 నుంచి 6కి తగ్గించారు. ఒక్కో సబ్జెక్టు పరీక్షను 100 మార్కులకు నిర్వహిస్తారు. విద్యాశాఖ మంత్రి ఆదిమూలపు సురేష్ మే 14న సచివాలయంలో విద్యాశాఖ ఉన్నతాధికారులతో సమావేశమై పదో తరగతి పరీక్షల షెడ్యూలు, కరోనా నేపథ్యంలో తీసుకోవాల్సిన జాగ్రత్తలు, పరీక్ష కేంద్రాల సంఖ్య, అదనపు ఏర్పాట్లపై చర్చించారు. జూలై 10 నుంచి 15 వరకు పదో తరగతి మెయిన్ పరీక్షలు 16న ఓరియంటల్ ఎస్సెస్సీ, 17న వొకేషనల్ ఎస్సెస్సీ పరీక్షలు జరుగుతాయి.

పెరగనున్న పరీక్ష కేంద్రాలు..

టెన్త్ పరీక్షలు ఉదయం 9.30 నుంచి మధ్యాహ్నం 12.45 వరకు జరుగుతాయి. ఫస్ట్ లాంగ్వేజ్ పేపర్-2 కాంపోజిట్ కోర్సు ఉ.9.30 నుంచి 11.15 వరకు, ఎస్సెస్సీ ఒకేషనల్, థియరీ పరీక్షలు ఉ.9.30 నుంచి 11.30 వరకు జరుగుతాయి.
రాష్ట్రవ్యాప్తంగా 11,835 స్కూళ్లకు సంబంధించిన రెగ్యులర్ విద్యార్థులు 6,30,804 మంది పరీక్షలకు హాజరు కానున్నారు. ఒకసారి ఫెయిలై మళ్లీ పరీక్ష రాస్తున్న ప్రైవేట్ విద్యార్థులు 7,800 మంది ఉన్నారు.
గతంలో 2,923 పరీక్ష కేంద్రాలను కేటాయించినా కరోనా దృష్ట్యా వీటి సంఖ్య పెరుగుతుందని ఎస్సెస్సీ బోర్డు వర్గాలు పేర్కొన్నాయి.

గతంలో ప్రకటించిన పరీక్ష కేంద్రాలు జిల్లాలవారీగా..

జిల్లా	స్కూళ్లు	రెగ్యులర్ విద్యార్థులు	ప్రైవేట్ విద్యార్థులు
శ్రీకాకుళం	684	38,282	448
విజయనగరం	535	30,144	135
విశాఖపట్నం	1,026	56,867	615
తూ.గోదావరి	1,167	67,917	35
ప.గోదావరి	886	49,036	971
కృష్ణా	1,005	56,749	857
గుంటూరు	1,040	60,045	90
ప్రకాశం	830	41,551	33
నెల్లూరు	758	34,949	3,370
చిత్తూరు	1,139	53,521	82
కడప	839	37,690	288
అనంతపురం	992	51,828	126
కర్నూలు	934	52,225	750
మొత్తం	11,835	6,30,804	7,800

టెన్త్ పరీక్షల షెడ్యూల్ ఇలా...

తేదీ	సబ్జెక్టు	మార్కులు
జూలై 10	ఫస్ట్ లాంగ్వేజ్ (గ్రూప్-ఏ)	100
జూలై 10	ఫస్ట్ లాంగ్వేజ్ పేపర్-1కాంపోజిట్‌కోర్స్	70
జూలై 11	సెకండ్ లాంగ్వేజ్	100
జూలై 12	థర్డ్ లాంగ్వేజ్ ఇంగిష్	100
జూలై 13	మేథమెటిక్స్	100
జూలై 14	జనరల్ సైన్సు(ఫిజికల్, బయాలజీ)	100
జూలై 15	సోషల్ స్టడీస్	100
జూలై 16	ఫస్ట్ లాంగ్వేజ్ పేపర్-2 కాంపోజిట్‌కోర్సు	30
జూలై16	ఓ-ఎస్సెస్సీ మెయిన్ లాంగ్వేజ్ పేపర్1	100
జూలై17	ఓ-ఎస్సెస్సీ మెయిన్ లాంగ్వేజ్ పేపర్2	100
జూలై 17	ఎస్సెస్సీ ఒకేషనల్	40
జూలై17	ఎస్సెస్సీ ఒకేషనల్ థియరీ	30