Gold Deposit: ప్రపంచంలోని అతిపెద్ద బంగారు నిక్షేపం ఇదే.. టాప్ 10లో ఉన్న‌వివే..
సుమారు 1,000 మెట్రిక్ టన్నుల అత్యంత నాణ్యమైన ఖనిజం ఉన్నట్లు భావిస్తున్న ఈ బంగారు నిక్షేపాన్ని సెంట్రల్ చైనాలోని హునాన్ ప్రావిన్స్ ఈశాన్య ప్రాంతంలో ఉన్న పింగ్జియాంగ్ కౌంటీలో కనుగొన్నట్లు జియోలాజికల్ బ్యూరో ఆఫ్‌ హునాన్ ప్రావిన్స్ ధ్రవీకరించింది.
చైనీస్ స్టేట్ మీడియా ప్రకారం.. ఈ నిక్షేపంలోని బంగారు అంచనా విలువ 600 బిలియన్ యువాన్లు. అంటే భారత కరెన్సీలో సుమారు రూ.6,91,473 కోట్లు. ఇది దక్షిణాఫ్రికాలోని సౌత్ డీప్ మైన్‌లో లభించిన 930 మెట్రిక్ టన్నులను అధిగమించి ప్రపంచంలోనే అతిపెద్ద బంగారు నిల్వగా ఉండవచ్చు.
ఈ నిక్షేపం వెలికితీతకు మైనింగ్ కార్మికులు, యంత్రాంగం తీవ్రంగా కష్టపడ్డారు. ప్రాథమిక అన్వేషణలో 2 కిలోమీటర్ల లోతులో 300 మెట్రిక్ టన్నుల బంగారాన్ని కలిగి ఉన్న 40 బంగారు సొరంగాలు సిరలు బయటపడ్డాయి. అధునాతన 3డీ మోడలింగ్ టెక్నాలజీని వినియోగించి మరింత ఎక్కువ లోతుకు వెళ్లి నిక్షేపాన్ని కనుగొన్నట్లు అధికారులు తెలిపారు.
Best Cities: ప్రపంచంలో అత్యుత్తమ టాప్–10 నగరాలు ఇవే..
మైనింగ్ టెక్నాలజీ ప్రకారం.. చైనాలో ఈ బంగారు నిక్షేపం బయటపడటానికి ముందు ప్రపంచంలోని అతిపెద్ద బంగారు నిక్షేపాలు ఇవే..
1. సౌత్ డీప్ గోల్డ్ మైన్ - సౌత్ ఆఫ్రికా
2. గ్రాస్‌బర్గ్ గోల్డ్ మైన్ - ఇండోనేషియా
3. ఒలింపియాడా గోల్డ్ మైన్ - రష్యా
4. లిహిర్ గోల్డ్ మైన్ - పాపువా న్యూ గినియా
5. నోర్టే అబియర్టో గోల్డ్ మైన్ - చిలీ
6. కార్లిన్ ట్రెండ్ గోల్డ్ మైన్ - యూఎస్‌ఏ
7. బోడింగ్టన్ గోల్డ్ మైన్ - వెస్ట్రన్ ఆస్ట్రేలియా
8. ఎంపోనెంగ్ గోల్డ్ మైన్ - సౌత్ ఆఫ్రికా
9. ప్యూబ్లో వీజో గోల్డ్ మైన్ - డొమినికన్ రిపబ్లిక్
10. కోర్టెజ్ గోల్డ్ మైన్ - యూఎస్‌ఏ