మొగల్రాజపురం(విజయవాడ తూర్పు): ఈ నెల 9వ తేదీన నగరంలోని ప్రభుత్వ ఐటీఐ కళాశాల ఆవరణలో అప్రెంటీస్‌ మేళా నిర్వహిస్తున్నామని ప్రిన్సిపాల్‌ ఎం.కనకరావు ఒక ప్రకటనలో తెలిపారు. ఐటీఐ కోర్సు పూర్తి చేసి అన్ని ట్రేడ్‌ల వారు ఈ మేళాలో పాల్గొనవచ్చునని పేర్కొన్నారు.
Apprentice Mela At ITI College
ప్రముఖ కంపెనీల ప్రతినిధులు ఈ మేళాకు హాజరై వారి కంపెనీల్లో అప్రెంటీస్‌గా అవకాశం కల్పిస్తారని పేర్కొన్నారు.ఐటీఐ పాస్‌ అయి అప్రెంటీస్‌ పూర్తి కాని వారు విద్యార్హతకు సంబంధించిన ఒరిజినల్‌ సర్టిఫికెట్స్‌తో ఈ మేళాకు హాజరు కావాలని తెలిపారు.
ఎన్టీఆర్‌ జిల్లా విజయవాడ రమేష్‌ ఆసుపత్రి రోడ్డులోని ప్రభుత్వ ఐటీఐ కళాశాల ఆవరణలో 9వ తేదీ సోమవారం ఉదయం 9 గంటల నుంచి మేళా ప్రారంభమవుతుందని పేర్కొన్నారు. ఇతర వివరాలకు 9298605175 నంబరులో సంప్రదించాలని కోరారు.
